Рекламный баннер 728x90px main1
БЭТЭРЭЭННЭР СЭБИЭТТЭРИН САҤА БЭРЭССЭДЭЭТЭЛЭ ТАЛЫЛЫННА
Бүгүн, бэс ыйын 11 күнүгэр, Кыталык уопсастыбаннай кииҥҥэ улуустааҕы бэтэрээннэр Сэбиэттэрин отчуоттуур, быыбардыыр кэмпириэнсийэтэ ыытылынна.
Манна улуус баһылыгын социальнай уонна имиджевэй бэлиитикэҕэ солбуйааччы Альбина Григорьева,
социальнай көмүскэллээх буолуу салалтатын салайааччыта Иван Шестаков,
өрөспүүбүлүкэтээҕи сэрии уонна үлэ бэтэрээннэрин бэрэссэдээтэлин 1-кы солбуйааччы Галина Лебедева,
СВФУ бэтэрээннэрин Сэбиэтин бэрэссэдээтэлэ Екатерина Никитина,
МВД бэтэрээннэрин Сэбиэттэрин бэрэссэдээтэлэ Эдуард Федоров, салалталар, тэрилтэлэр салайааччылара, нэһилиэктэр бэтэрээннэрин Сэбиэттэрин чилиэннэрэ кыттыыны ыллылар.
Улууспут бэтэрээннэрин Сэбиэттэрин бэрэссэдээтэлэ, СӨ култууратын туйгуна, РФ, СӨ бочуоттаах бэтэрээнэ, СӨ социальнай сулууспатын туйгуна
Маргарита Максимова Сэбиэти 15 сыл устата эҥкилэ суох, дьаныардаахтык салайан кэлбит үлэтин отчуоттаата, үйэтитии үлэтигэр ситиспит улахан бырайыактарын билиһиннэрдэ.
Отчуот сүнньүнэн Маргарита Михайловнаны кытта үгүс сыллар устата бииргэ үлэлээн-хамсаан кэлбит нэһилиэктэр бэтэрээннэрэ ахтыыларын, этиилэрин, баҕа санааларын иһитиннэрдилэр.
Бэрэссэдээтэли талыы быыбарыгар икки хандьыдаат Майаттан улуустааҕы Ийэ тыл түмсүүтүн салайааччыта Евдокия Решетникова уонна Хаптаҕайтан урбаанньыт, уопсастыбанньык Анастасия Кривошапкина турдулар.
Хандьыдааттар бэйэлэрин билиһиннэрбиттэрин кэнниттэн тута уопсай сүбэнэн аһаҕас куоластааһыҥҥа киирдилэр.
Баһылыыр элбэх куолаһы ылан улуустааҕы бэтэрээннэр Сэбиэттэрин бэрэссэдээтэлинэн Евдокия Саввична Решетникова талылынна.
Мэҥэ Хаҥалас улууһун дьаһалтатын пресс-сулууспата
79
Рекламный баннер 728x90px main2