АДПИ-ГА САЙААПКА ХОМУЙУУТА САҔАЛАННА
Сыл саҕаланыаҕыттан бэс ыйын 10 күнүгэр диэри улууспутугар 25 баһаар түбэлтэтэ бэлиэтэннэ, ол иһигэр дьон олорор сиэктэригэр 4 баһаар таҕыста.
Хомойуох иһин, 4 улахан киһи, 1 оҕо уокка былдьаннылар.
Силиэстийэ быһаарыытынан
6 баһаар оһоҕу оттуу, 4 баһаар тиэхиньикэни туттуу, 2 уокка холбонон үлэлиир тэрили туттуу, 1 электрическай сылытар тэрили туттуу быраабылаларын кэһии, 3 уоту сэрэҕэ суох туттуу, 1 материал бэйэтэ умайан тахсыытын, 4 аварийнай режим түмүгэр тахсыбыт.
4 баһаар биричиинэтэ быһаарылла сылдьар.
Баһаары сэрэтэргэ биир көдьүүстээх быһаарыынан АДПИ - буруо тахсыбытын улаханнык тыаһаан тута сэрэтэр автономнай тэрил буолар.
Бу дьоҕус тэрил Дьокуускай куоракка анал маҕаһыыннарга атыыланар, сыаната быһа холоон 550-600 солкуобай буолар.
Майаҕа Майинская, 9 аадырыска турар «Бачыым» маҕаһыыҥҥа 716 солкуобай.
Бүгүҥҥү күн туругунан улууспутугар «Баһаары сэрэт - АДПИ-та туруор» аахсыйанан элбэх оҕолоох, кыаммат уонна соҕотох олорооччуларга 2028 АДПИ турда.
Ону тэҥэ, АДПИ-ны кииннэнэн сакаастааһын тэриллиннэ
Ол эбэтэр дьон-сэргэ куттала суох олоҕун хааччыйар сыалтан
нэһилиэктэринэн хас киһи наадыйарынан көрөн сакаас оҥорон улууспутугар АДПИ бары нэһилиэктэрбитигэр тиийэрин ситиһиэхпит.
Ытыктабыллаах биир дойдулаахтарбыт!
От ыйын 1 күнүгэр диэри АДПИ ыларга олохтоох дьаһалталаргытыгар тиийэн аадырыскытын, төһөнү наадыйаргытын бэлиэтээн туран сайаапкаҕытын биэрэргитин күүтэбит.
Мэҥэ Хаҥалас улууһун дьаһалтатын пресс-сулууспата