Рекламный баннер 728x90px main1
УУГА СЭРЭХТЭЭХ БУОЛУУ ИРДЭНЭР
Күүтүүлээх сайыммыт өҥүрүк куйаас күннэрэ сатыылыыр күннэрэ дьэ үүннүлэр.
Куйааска дьон-сэргэ, оҕо аймах сөрүүн уу кытылагар талаһар.
Ол эрэн, сөрүүкээн сынньанаары үгүстэр сэрэхтэрин сүтэрэллэр.
Ууга былдьаныы курдук хомолтолоох быһылааннар тахсыбаттарын туһугар ГИМС иниспиэктэрдэрэ ууга сэрэхтээх буолуу ирдэбиллэрин толорууну тутуһарга ыҥыраллар, бэйэлэрин сүбэлэрин биэрэллэр:
- Сөтүөҕэ анамматах, көҥүллэммэтэх сирдэргэ сөтүөлээмэҥ;
- Билбэт уугутугар умсумаҥ;
- Хааччахтаммыт кыраныыссаны бэлиэтиир буйкалар анараа өттүлэригэр барымаҥ;
- Ууга билбэт сиргититтэн, ыстанарга анамматах үрдэллэртэн ыстанымаҥ;
- Төрөппүттэр, кыра саастаах оҕолоргутун ууга көрүүтэ-истиитэ суох ыытан кэбиһимэҥ, хараххыт далыттан сүтэримэҥ;
- Ууга устар көлөлөргө (мотуордаах, баарыстаах, эрдиилээх тыыларга уо.д.а) чугаһаамаҥ;
- Итирдэр утахтары иһимэҥ, ууга итирик кииримэҥ;
- Ууга умсууну уонна сөтүөлээччини тутан ылыыны кытта сибээстээх оонньуулары оонньоомоҥ;
- Мэниктээн, ууга түһэн эрэрдии сымыйа түрүлүөнү таһааран хаһыытаамаҥ;
- Ол-бу хаптаһыннарга, бэрэбинэлэргэ, массыына хаамыраларыгар, үрүллүбүт матараастарга сытан устумаҥ;
- халлаан ардыы турдаҕына, тымныы, этиҥнээх, чаҕылҕаннаах күннэргэ сөтүөлүүр букатын көҥүллэммэт.
Ытыктабыллаах улууспут олохтоохторо!
Кылгас сайыммытын астына-дуоһуйа толору туһанан, ууга сылдьыы быраабылаларын, сэрэхтээх буолуу ирдэбиллэрин тутуһан үтүө өйдөбүллэри хаалларыаҕыҥ, этэҥҥэ буолуоҕуҥ!
Мэҥэ Хаҥалас улууһун дьаһалтатын пресс-сулууспата
227
Рекламный баннер 728x90px main2