Рекламный баннер 728x90px main1
БААТАРА СУОЛУН ОҤОРУУ ҮЛЭТЭ САҔАЛАННА
Бүгүн, бэс ыйын 24 күнүгэр, Бэдьимэ - Сыымах айан суолун оҥоруу үлэтэ саҕаланна.
Бу үлэ олохтоох нэһилиэнньэ өр сыллаах туруорсууларынан, Ил Дархан Айсен Сергеевич Николаев быһаччы сорудаҕынан үлэҕэ киирдэ.
Маннык үөрүүлээх бэлиэ күн түсчүт Зиновий Игнатьев үлэ этэҥҥэ барарын туһугар алгыс сиэрин-туомун толордо.
Улуус баһылыга Дмитрий Тихонов, оройуон дьокутааттарын Сэбиэтин бэрэссэдээтэлэ Иннокентий Андросов, Баатара нэһилиэгин баһылыга Дмитрий Акимов, 1-кы Баатара нэһилиэгин баһылыга Петр Андросов, улууспут суол хаһаайыстыбатын салалтатын начаалынньыга Ньургун Оконешников миэстэтигэр тиийэн үлэ туох, хайдах былааннаах ыытылларын билистилэр.
Бэдэрээччит тэрилтэнэн олохтоох Семен, Ян Новгородовтар үлэлииллэр. 3 килэмиэтир 200 миэтэрэ суол кэрчигин оҥорорго үлэ болдьоҕор 2026 сыл сэтинньи 30 күнэ ыйыллан турар эрээри Семен Семенович бу сылга бүтэрэр былааннаахпыт диэн иһитиннэрдэ.
Дьон-сэргэ олоҕун чэпчэтэргэ туһуланар үтүө соруктаах түбүктээх үлэ түмүктээх буоллун!
Мэҥэ Хаҥалас улууһун дьаһалтатын пресс-сулууспата
97
Рекламный баннер 728x90px main2