Рекламный баннер 728x90px main1
МАСЫАННЬЫК УГААЙЫТЫГАР КИИРЭН БИЭРДИЛЭР
Ааспыт нэдиэлэҕэ улууспут икки олохтооҕо масыанньыктар угаайыларыгар киирэн биэрэн 169 000 солкуобай уонна 307 434 солкуобай суумаларга албыннаттардылар.
Силиэстийэ быһаарбытынан түөкүннэр тас дойдулартан Киргизияттан уонна Таилантан олорон эрийбиттэр. Улууспут олохтоохторун өйдөрүн сүүйэн үбүлээһиҥҥэ (инвестированиеҕа) киллэрбиттэр, араас төлөпүөн сыһыарыыларын туруортарбыттар. Ол түмүгэр төлөпүөн нөҥүө банк дааннайдарынан туһанар кыахтаммыттар, улахан суумаҕа кирэдьиит ылбыттар.
Түмүгэр биир дойдулаахтарбыт иэскэ киирбиттэр.
Ытыктабыллаах улууспут олохтоохторо!
Масыанньыктар күнтэн күн саҥа ньымалары толкуйдууллар. Бу угаайыга киирэн биэрбэт наадаттан билбэт нүөмэргит эрийдэҕинэ ыла сорунумаҥ, быһаарса, кэпсэтэ барымаҥ.
Түөкүттэр киһи уйулҕатыгар дьайан, ыксаллаах быһыыга киллэрэн булкуйаллар.
Билэр киһигит суруйбут да буоллаҕына харчы туһунан боппуруоһу төлөпүөн, суруйсар социальнай ситим нөҥүө быһаарсымаҥ.
Маннык угаайыга ордук киирэн биэримтиэ дьоҥҥутун, оҕолоргутун, кырдьаҕас дьоҥҥутун бу туһунан булгуччу сэрэтиҥ.
Мэҥэ Хаҥалас улууһун дьаһалтатын пресс-сулууспата
129
Рекламный баннер 728x90px main2