Рекламный баннер 728x90px main1
ДЬАРЫКТААХ БУОЛУУ КИИНИГЭР ҮЛЭ ДЬААРБАҤКАТА ТЭРИЛИННЭ
Бүгүн, бэс ыйын 28 күнүгэр, бүтүн Арассыыйатааҕы үлэ дьаарбаҥкатын күнүн чэрчитинэн Майа сэлиэнньэтигэр улуустааҕы дьарыктаах буолуу киинигэр үлэ дьаарбаҥката тэрилиннэ.
Дьарыктаах буолуу киинин салайааччыта Федор Белолюбскай бэлиэтээн эппитинэн быйыл чуолаан уһуйааннар, оскуолалар кадрдарынан хааччыллыыларыгар, орто анал уонна үрдүк үөрэхтэрин бүтэрэн үлэ көрдөнө сылдьар оҕолорго болҕомто ууруллубут.
Ону тэҥэ, өрөспүүбүлүкэбитигэр баар бырамыысыланнай тэрилтэлэри кытта быһаччы холбонон онлайн кэпсэтии тэриллибит.
«Алроса», «Алмазы Анабара», «Эльгауголь», «Полиметалл», «Эльга-строй», «Сахатранснефтегаз» курдук тэрилтэлэр сибээскэ тахсаннар баҕалаах дьону кытта кэпсэппиттэр.
Дьаарбаҥка чэрчитинэн оскуола саастаах оҕолор сайыҥҥы сынньалаҥнарын туһалаахтык атаараарылар быстах үлэлэри билсибиттэр.
Дьон-сэргэ дьарыктаах буоларыгар сыалланан тэриллибит дьаарбаҥка үтүө түмүктэрдээх буоллун!
Мэҥэ Хаҥалас улууһун дьаһалтатын пресс-сулууспата
191
Рекламный баннер 728x90px main2