Ытыктабыллаах Мэҥэ Хаҥалас улууһун олохтоохторо, улуустан төрүттээхтэр!
Эһиил Аҕа дойду Улуу сэриитигэр Кыайыы 80 сылын бэлиэтиэхпит. Бу бэлиэ даатаҕа Улуу Кыайыыны уһансыбыт аҕа көлүөнэ дьоммутун үйэтитиигэ аналлаах кинигэ нэһилиэктэринэн бэлэмнэнэ турар. Ону сэргэ туспа том быһыытынан хаартыскаларга олоҕурбут кинигэ-фотоальбом оҥоһуллар.
Онон бу кинигэҕэ 1941-1945 сыллары сырдатар хаартыскалары улууспут нэһилиэктэринэн хомуйабыт.
Эһиги түмэллэргититтэн эбэтэр дьиэ кэргэн архыыптарыттан көстүбүт: буойуттарбытын атаарыы, көрсүү түгэннэриттэн, сэрии толоонуттан ыыппыт хаартыскаларын, тыыл үлэ хоһууттарын, сэрии, тыыл бэтэрээннэрэ бөлөҕүнэн түспүттэрин, Кыайыы ыһыаҕын нэһилиэктэринэн көрдөрөр, онтон да атын сэдэх хаартыскалары кинигэҕэ киллэттэрэн, Кыайыыны уһансыбыт дьоммут мөссүөннэрин историяҕа үйэтитэр үлэҕэ күүс-көмө буолуоххут диэн эрэнэбит.
Хаартыскалары тэттик быһаарыы суруктаах эл.почтаҕа
pobedamk4145@mail.ru ыытаргытын кэтэһэбит. Сиһилии билсэр нүөмэр: 89143007897
@meginokangalasskiy