Тыа хаһаайыстыбатын эйгэтигэр үлэлии-хамсыы сылдьар туруу үлэһит дьон, ытык бэтэрээннэр Нөөрүктээйи нэһилиэгин ыһыахтыыр ытык сиригэр бэс ыйын 26 күнүгэр бииргэ түмүстүлэр.
Тыа хаһаайыстыбатынан дьарыктаныы киһиттэн элбэх сыраны, дьаныары эрэйэр. Төрөөбүт сирдэрин дьиҥнээхтик таптыыр эрэ дьон олохторун бүтүннүү бу эйгэҕэ аныыллар. Өбүгэлэртэн ыла илдьэ кэлбит, бу идэни сайыннарар, көҕүлүүр дьоммутугар, бары үлэһиттэргэ бэриниилээх, сыралаах үлэлэригэр улууспут дьонун-сэргэтин аатыттан Үрүҥ Тунах Ыһыаҕынан улууспут баһылыга Дмитрий Тихонов махтанан, эҕэрдэлээн туран, сыллааҕы үлэ түмүгүнэн наҕараадалары туттарда.
Өлгөм үүнүүлээх, өҥ-быйаҥ сайын буоларын туһугар Аал уоту алгыстаах алаадьынан айах туттулар, оһуохайдаан, тэрилтэлэринэн спорт уонна араас куонкурустарга кыттыыны ылан, бииргэ алтыһан, үөрэн-көтөн тарҕастылар.
Үтүө дьоммутугар-сэргэбитигэр инникитин даҕаны тапталлаах дойдубут туһугар таһаарыылаах үлэни, үрдүк көрдөрүүлэри-ситиһиилэри баҕарыаххайыҥ, ыраас төрүт аспытын тэнитэ-дэлэтэ турдуннар!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0