ОҺУОХАЙДЬЫТТАРБЫТ СИТИҺИИЛЭРЭ
Бэс ыйын 29-30 күннэригэр Үс Хатыҥҥа Туймаада ыһыаҕар өбүгэ үгэһинэн быһыйы, сымсаны, бастыҥы быһаарар араас күрэхтэр, күөн көрсүүлэр тэриллэн ыытылыннылар.
Биир умсугутуулаах күрэһинэн чулуу оһуохай этээччини быһаарар «Ытык оһуокай» түһүлгэтэ буолла.
Манна биһиги улуустан сэттэ уһун тыыннаах, баай тыллаах, айар талааннаах этээччилэрбит кыттыыны ыллылар.
Тыллара-өстөрө чочуллан истээччи-сэҥээрээччи кэрэхсэбилин ылан
1-кы Тыллыма нэһилиэгиттэн Виталий Никифоров «Уран тыллаах оһуокайдьыт»,
Майа сэлиэнньэтиттэн Станислав Иванов «Олус улахан түһүлгэ»,
Тараҕай нэһилиэгиттэн Галина Зыкова «Кылыһахтаах этээччи» анал ааты сүктүлэр,
Дьаҥхаадыттан Татьяна Неустроева «Чуор куолас» анал ааты ылан Саха сирин үтүөлээх этээччитинэн буолла.
Ону тэҥэ, Денис Оконешников бу күрэс БАСТЫҤ ЭТЭЭЧЧИТИНЭН ааттанан «Саха Өрөспүүбүлүкэтин Дархан этээччитэ» үрдүк ааты ылары ситистэ.
Бары оһуохайдьыттарбытын төрүт үгэспитин илдьэ сылдьан, үөрэтэн дьоҥҥо-сэргэҕэ, ыччаттарбытыгар тарҕатыыга күүс-көмө буоларгытыгар махтанан туран ситиһиилэргитинэн эҕэрдэлиибит!
Мэҥэ Хаҥалас улууһун дьаһалтатын пресс-сулууспата