ЧАҔЫЛХАНТАН ТАХСЫБЫТ ТЫА БАҺААРЫН УМУЛЛАРДЫЛАР
Бэҕэһээ, от ыйын 4 күнүгэр, киэһэ биэс аҥаары ааһыыта 3-с Мэлдьэхси сиригэр-уотугар чаҕылхан охсубут маһыттан тыа баһаара тахсыбыта бэлиэтэммит.
ГАУ «Якутлесресурс» Мэҥэ Хаҥаластааҕы салаатын үлэһиттэрэ олохтоох дьон-сэргэ көмөтүнэн 2 га иэннээх сири киэһэ тоҕус чааска сөптөөхтүк уонна кылгас кэм иһигэр суһаллык дьаһанан тэрээһиннээхтик умулларбыттар.
Улууспутугар үрдүк кылаастаах тыа баһаара үөскүүр куттала, өрөспүүбүлүкэбитигэр баһаартан сэрэхтээх буолууга ыксаллаах быһыы (ЧС) балаһыанньата биллэриллэн турар кэмигэр биир дойдулаахтарбытын сэрэхтээх, тула өттүгүтүгэр буола турарга болҕомтолоох буоларгытыгар ыҥырабыт.
Ыксаллаах быһыы-майгы тахсар түгэнигэр
улуустааҕы биир кэлим дьуһуурунай диспетчерскэй сулууспаҕа
89659980604, 8(411-43)47-880
эбэтэр 112 нүөмэринэн биллэрэргит тоҕоостоох.
Мэҥэ Хаҥалас улууһун дьаһалтатын пресс-сулууспата