Рекламный баннер 728x90px main1
ХОРООБУККА КҮӨХ ТӨЛӨН СИТИМИН КИЛЛЭРИИНИ ҮӨРЭТТИЛЭР
Федеральнай бырагыраама нөҥүө тыа сирин гааһынан хааччыйыы үлэтэ бүтүн дойду үрдүнэн көхтөөхтүк ыытыллар.
Биһиги улууспутугар 31 нэһилиэкпититтэн 15 нэһилиэккэ номнуо гаас ситимэ тардыллан дьон-сэргэ күөх төлөн үтүөтүн олоҕор-дьаһаҕар толору тутта олорор.
Манна эбии былырыын 2023 сыллаахха Алтан нэһилиэгэр гаас утаҕа тардыллан быйыл үлэҕэ киириэхтээх. Ону тэҥэ 1-кы Тыыллыма нэһилиэгин гаастааһыҥҥа үлэ-хамнас ыытылла турар.
Бүгүн улуус баһылыгын тутуу боппуруостарыгар солбуйааччы Василий Филиппов, суол хаһаайыстыбатын салалтатын начаалынньыга Нюргун Оконешников, Хорообут нэһилиэгин баһылыга Гаврил Бродников «Ростройпроект» бырайыактыыр тэрилтэни кытта Мэлдьэхситтэн Хорообут нэһилиэгэр гаас ситимэ тардыллыытын бырайыагын оҥорорго сири-уоту көрө-истэ, үөрэтэ тахса сырыттылар.
Былаан быһыытынан Хорообут нэһилиэгэр Мэлдьэхситтэн гаас ситимэ тадыллыытын бырайыага быйыл бүтэн экспертизаҕа киириэхтээх.
Мэҥэ Хаҥалас улууһун дьаһалтатын пресс-сулууспата
178
Рекламный баннер 728x90px main2