Рекламный баннер 728x90px main1
УЛУУСПУТУГАР ТУРИЗМ САЙДЫЫТЫГАР ТУҺУЛАНАР СУБСИДИЯ КӨРҮҮТЭ
Бүгүн, от ыйын 4 күнүгэр, бизнес-инкубатор киинигэр улууспутугар туризм эйгэтин сайыннарар орто уонна дьоҕус урбааҥҥа муниципальнай бүддьүөттэн субсидия көрүүтүн хамыыһыйата ыытылынна.
Уопсайа аҕыс урбаанньыт туризм сайдыытыгар туһуланар бырайыактарын билиһиннэрдилэр. Хамыыһыйа бэрэссэдээтэлинэн улуус баһылыгын тутуу боппуруостарыгар солбуйааччы Василий Филиппов үлэлээтэ.
Ол курдук, Аллараа Бэстээххэ Пионерскай күөлүгэр сынньанар сири тэрийии, «Солнечный берег» туристическай базаҕа уу кытылыгар оҕолорго аналлаах аралдьыйар, оонньуур сири оҥоруу, Майатааҕы Афрейм сынньалаҥ базатыгар суол өрөмүөнэ, Ытарҕалаахха материальнай-техническай базаны хаҥатыы, Бэдьимэҕэ «Сүрэх» сынньалаҥ базатыгар дьону аралдьытарга мототиэхиньикэ ылыыта, Майаҕа оҥоһуктар пааркаларын тэрийии, Абалаахха эмтэнэр, сынньанар туристическай киини тупсарыы, 1-кы Тыыллыма нэһилиэгэр түмэл балаҕанын тутуу курдук урбаан бырайыактарын иһиттилэр.
Хамыыһыйа быһаарыытынан туризм сайдыытыгар муниципальнай бүддьүөттэн көрүллүбүт 3 мөлүйүөн солкуобай суумалаах субсидия аҕыс бырайыакка барыларыгар тиксэр гына тыырылынна.
Мэҥэ Хаҥалас улууһун дьаһалтатын пресс-сулууспата
305
Рекламный баннер 728x90px main2