Рекламный баннер 728x90px main1
ХХ ӨРӨСПҮҮБҮЛҮКЭТЭЭҔИ ПЕДАГОГИЧЕСКАЙ ДЬААРБАҤКА САҔАЛАННА
Бүгүн, от ыйын 8 күнүгэр, Майа сэлиэнньэтин Ураһалаах алааһыгар «Тыа сирин оскуолата уонна үөрэхтээһин маарката» XX өрөспүүбүлүкэтээҕи педагогическай дьаарбаҥка саҕаланна.
Сүүрбэһис үбүлүөйүнэй дьаарбаҥкаҕа өрөспүүбүлүкэ 29 улууһуттан уонна Дьокуускай куораттан барыта 2000-тан тахса үөрэҕирии эйгэтин үлэһиттэрэ, уопсастыбанньыктар, ыччат, оҕо, төрөппүт хамсааһыннара үтүө холобурдарын көрдөрө, уопут атастаһа, билиини-көрүүнү хаҥата кэллилэр.
Бу күн араас былаһааккаларынан сайдыы суолун тобуларга, үөрэҕирии хаачыстыбатын үрдэтиигэ бырайыак көмүскээһинэ, дискуссионнай үлэлэр ыытылыннылар.
Иис-уус түһүлгэтигэр араас матырыйаалтан оҥоһуллубут туттар мал, күүрээннээх үлэҕэ угуйар оҥоһуктар турбуттар, маастар-кылаастар тэриллибиттэр.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева В.Н. Оконешников аатынан Павловскай орто оскуолатын кэлэктиибэ тэрийбит «А.Е.Кулаковскай - Өксөкүлээх Өлөксөй алгыстаах санаалара - норуоту түмэр күүс» түһүлгэтигэр кыттыыны ылла.
Бу былаһаакка А.Е. Кулаковскай кэриэһин, кини туһунан учуонайдар үлэлэрин үөрэтэн дьон олоххо, үлэҕэ тирэх оҥостоллорун көҕүлээһин,
ырыҥалыыр, биир ситимҥэ үлэлиир айар эйгэни тэрийии диэн сыаллаах үлэлиир.
Дьаарбаҥка от ыйын 8-10 күннэригэр ыытыллар. Үс күн устата үөрэтэр, үөрэнэр сессиялар, төгүрүк остуоллар, уопут атастаһыытын таһынан араас куонкурустар, күрэхтэһиилэр, кэнсиэрдэр киэҥ далааһыннаахтык ыытыллаллара күүтүллэр.
Мэҥэ Хаҥалас улууһун дьаһалтатын пресс-сулууспата
288
Рекламный баннер 728x90px main2