Рекламный баннер 728x90px main1
ИЛ ДАРХАН ГРАНЫН ТУТТУЛАР
Саха Өрөспүүбүлүкэтигэр уопсастыбаннай бэйэни салайыныы түөлбэлэрин (ТОС) өйүүр сыаллаах Ил Дархан гранын куонкуруһугар биһиги улууспут быйыл 1 912 500 солкуобай суумалаах граны ылары ситистэ.
Ону тэҥэ, кэмиэрчискэйэ суох тэрилтэлэргэ
Майаттан «Мелиоратор» ТОС спортка уонна сынньалаҥҥа аналлаах былаһаакка бырайыагынан 839 948,70 солкуобай уонна Дьаҥхаадыттан «Уйгу» ТОС түөлбэлэригэр сайыҥҥы уу ситимин тардыыга 805 569,88 солкуобай суумалаах өйөбүлгэ тигистилэр.
Бүгүн улуус баһылыгын бастакы солбуйааччы Василий Михайлов, улуустааҕы социальнай бэлиитикэ салалтатын салайааччыта Октябрина Кулешова, «Мелиоратор» ТОС бэрэссэдэтэлэ Галина Федорова, «Уйгу» ТОС бэрэссэдээтэлэ Анна Винокурова үөрүүлээх быһыыга Ил Дархан илиититтэн граннарын туттулар.
Гражданскай уопсастыбаны сайыннарар бырайыактара үбүлээһини ылары ситиспитинэн биир дойдулаахтарбытын эҕэрдэлиибит!
Санаабыккыт сатабыллаах, туппуккут үйэлээх буоллун!
Мэҥэ Хаҥалас улууһун дьаһалтатын пресс-сулууспата
301
Рекламный баннер 728x90px main2