ӨРӨСПҮҮБҮЛҮКЭТЭЭҔИ ЗООТЕХНИКТАР КҮРЭХТЭРИГЭР БИИР ДОЙДУЛААХТАРБЫТ СИТИҺИИЛЭРЭ
От ыйын 10-12 күннэригэр Бүлүү улууһун Тыымпы сэлиэнньэтин Сырдык уулаах сайылыгар «Идэтигэр бастыҥ» үһүс өрөспүүбүлүкэтээҕи зоотехник-селекционердар күрэхтэрэ ыытылынна.
Барыта 13 улуустан 22 зоотехник кыттыыны ылла. Биһиги улууспут чиэһин икки племенной хаһаайыстыбаларбытыттан
ынах сүөһүнү көрүү салаатыгар «Хорообут» ХЭТ зоотехнига Наталья Васильева, «Тумул» ТХПК зоотехнига Нарыйа Миронова,
сылгыны көрүү салаатыгар «Хорообут» ХЭТ зоотехнига Владислав Чугунов
көмүскээтилэр.
Улууспут дэлэгээссийэтин тыа хаһаайыстыбатын салалтатын сүрүн зоотехнига Туйаара Петухова салайан илдьэ сырытта.
Үс этээптээх күрэс түмүгүнэн
племенной хаһаайыстыбаларга ынах сүөһүнү көрүү салаатыгар «Хорообут» ХЭТ зоотехнига Наталья Васильева
«Селэкс-Молочный скот» бырагырааманан бэйэни тургутан көрүүгэ «Практическая работа с автоматизированной базой данных» анал ааты сүгэн I миэстэни ылан уопсай түмүккэ III миэстэ буолары ситистэ
«Тумул» ТХПК зоотехнигар Нарыйа Мироноваҕа СӨ тыатын хаһаайыстыбатын үтүөлээх үлэһитэ Прокопий Ефимович Сивцев аатынан анал бирииһи туттардылар.
Сүрүн күрэх таһынан түһүлгэ көрүүтэ, ырыа күрэҕэ, көрдөөх стартар ыытылыннылар.
Манна улууспут хамаандата көхтөөхтүк, ситиһиилээхтик кытынна.
Мэҥэ Хаҥалас улууһун дьаһалтатын пресс-сулууспата