ОҔО ТҮННҮКТЭН СУУЛЛУУТА ТАХСЫБАТЫН ТУҺУГАР МИЭРЭЛЭРИ ЭРДЭТИНЭ ЫЛЫНЫАҔЫҤ
Сыл ахсын, ордук куйаас күннэргэ, кыра оҕолор үөһээ этээстэн түннүктэн сууллан эмсэҕэлээбит, суорума суолламмыт түгэннэрэ, хомойуох иһин, тахса тураллар.
Статистика көрдөрөрүнэн бүтүн Дойду үрдүнэн сыллата тыһыынчанан оҕо түннүктэн сууллан өлөр, онтон хас оҕо улаханнык эчэйэн инбэлиит буолбута ахсаана биллибэт.
Ытыктабыллаах улууспут олохтоохторун маннык иэдээннээх быһылаан тахсыбатын туһугар эрдэтинэ миэрэлэри ылынаргытыгар ыҥырабыт!
Кыра оҕолору хаһан даҕаны аһаҕас түннүктээх хоско хаалларымаҥ. Маннык хомолтолоох түгэннэр үксүн төрөппүттэр оҕолорун көрбөт кэмнэригэр тахсар.
Түннүк аттыттан оҕо салҕанан тахсыан сөптөөх миэбэллэри туруорумаҥ.
Үөнтэн-көйүүртэн харыстыыр сиэккэҕэ хаһан да эрэнимэҥ. Бу сиэккэ оҕо ыйааһынын туппат, оттон оҕо сиэккэни эрэнэр, эркиннээх курдук сананан өйөнөр.
Түннүгү нэлэччи буолбакка, үрдүнэн эрэ арыйарга кыһаллыҥ.
Анал фиксатордары, эрэһээҥкэни туһаныҥ.
Фиксатордары ылар кыаххыт суох буоллаҕына, түннүк тутаахтарын тууран кэбиһиҥ, бэйэҕит наадыйдаххытына эрэ туттар гына ыраах ууруҥ.
Оҕоҕо түннүккэ чугаһыыр кутталлааҕын туһунан күннэтэ быһааран кэпсээн, сэрэтиҥ.
Мэҥэ Хаҥалас улууһун дьаһалтатын пресс-сулууспата