Рекламный баннер 728x90px main1
ВАЛЕРИЙ НОЕВ ТӨРӨӨБҮТЭ 85 СЫЛЫГАР АНАНАР АЙАР АЙАН
От ыйын 11 күнүттэн улууспут култууратын үлэһиттэрэ агитбиригээдэ тэринэн саха тыллаах кутун туппут, айылҕаттан айдарыылаах ырыаһыт, мелодист Валерий Ноев төрөөбүтэ 85 сылыгар аналлаах
«Мин дууһам ыллыыр» диэн айар айаҥҥа туруннулар.
«Тумул» ТХПК Эбэ түгэҕэ сайылыгын, 1-кы Баатара, 2-с Тыыллыма, 1-кы Тыыллыма, Мэлдьэхси, Баатара, Моорук, Бүтэйдээх нэһилиэктэрин кэрийэн олохтоохтору сэргэхситэ, күннээҕи түбүктэн сынньата, үлэ дьонун үлэҕэ көҕүлүүр уостан түспэт ырыалардаах тыыннаах доҕуһуолунан кэнсиэри тэрийдилэр.
Маны тэҥэ И.М. Сосин аатынан улуустааҕы кииннэммит бибилэтиэкэ уонна Р.Г. Васильев аатынан кыраайы үөрэтэр түмэл Валерий Ноев айар үлэтин, духуобунай нэһилиэстибэтин сырдатар быыстапкаларын туруордулар, араас маастар-кылаастар, нэһилиэнньэни кытта кэпсэтиилэр ыытылыннылар.
Улуустааҕы култуура уонна духуобунай сайдыы салалтата айар айан түмүгүнэн Валерий Ноев «Мин дууһам ыллыыр» ырыатыгар хомуур килиип оҥорон таһаарыахтара.
Валерий Ноев олоҕун, айар үлэтин, сырдык аатын үйэтитэр, үбүлүөйдээх сылын бэлиэтиир сыаллаах «Мин дууһам ыллыыр» айар кэлэктиип үтүө хамсааһынын дьон-сэргэ сэҥээрдэ, биһирээтэ.
Мэҥэ Хаҥалас улууһун дьаһалтатын пресс-сулууспата
108
Рекламный баннер 728x90px main2