«МАНЧААРЫ» ВОЛЕЙБОЛ КУЛУУБА ӨРӨСПҮҮБҮЛҮКЭ БЭСТИБЭЭЛИГЭР СИТИҺИИЛЭЭХТИК КЫТЫННА
От ыйын 13-14 күннэригэр Тулагы сиригэр-уотугар «СахаВА» волейболга өрөспүүбүлүкэтээҕи сайыҥҥы бэстибээл тэриллэн ыытылынна.
Биһиги улууспутуттан «Манчаары» волейбол кулууба толору састааптаах түөрт хамаанданы туруоран кыттыыны ылла.
Кыргыттарга 11 хамаанда турбутуттан улууспут хамаандата бочуоттаах II миэстэ
,
эр дьоҥҥо 10 хамаандаттан I миэстэ
,
35-тэриттэн үөһэ саастаахтарга II миэстэ
,
«Сахаваболга» II миэстэ буолары ситистилэр
.
Уопсай күрэххэ улууспут волейболистара 10 күүстээх састааптаах хамаандаттан II миэстэ буолан өтөрүнэн ситиһиллибэтэх ситиһии кэллэ
.
Маны таһынан көхтөөх спортсменнарга «Мисс и мистер СахаВА» анал ааттары анаатылар. Ыччаттарга 3-с Мэлдьэхси нэһилиэгиттэн Алексей Шепелев уонна 35-тэриттэн үөһэ саастаахтарга Майаттан Лена Васильева буоллулар.
«Манчаары» волейбол кулууба барыыга-кэлиигэ күүс-көмө буолбут «Коммунтехсервис» тэрилтэ салайааччытыгар Егор Трифоновка, суоппардарыгар Егор Мохначевскайга, өйөбүл буолбут «Саха сирин тимир суоллара», «Ситим», «Идея» тэрилтэлэргэ барҕа махталларын биллэрэллэр.
Мэҥэ Хаҥалас улууһун дьаһалтатын пресс-сулууспата