ТЫЫННААХАП БИРИИҺИГЭР АТ СҮҮРДҮҮТҮН БАСТЫҤНАРА
От ыйын 20 күнүгэр Үс Хатыҥ «Дьөһөгөй» ипподромугар биир дойдулаахпыт, ат спордун саҥалыы тыыннаабыт, Саха АССР Ат спордун үтүөлээх тириэньэрэ Иннокентий Саввич Свинобоев – Тыыннаахап бирииһигэр өрөспүүбүлүкэтээҕи ат сүүрдүүтэ ыытылынна.
Амма, Горнай, Мэҥэ Хаҥалас, Нам, Ньурба, Сунтаар, Үөһээ Бүлүү, Хаҥалас, Чурапчы улуустарын уонна Дьокуускай куорат бастыҥ, чаҕылхай аттара түөрт сүүрүүгэ илин-кэлин түһүстүлэр. Биһиги улуустан икки хамаанда турда. Сүүрдээччилэринэн Василий Брызгалов, Семен Гаврильев, Егор Оконешников үлэлээтилэр.
4-тэриттэн үөһэ саастаах ыраас хааннаах аттарга 2400 миэтэрэҕэ:
I миэстэ – 2,42,01 бириэмэлээх Конст Холидэй (Амма), II миэстэ – Супер Таргет 2,42,67 (Горнай), III миэстэ – Евр 2,43,40 (Хаҥалас);
3-тэриттэн үөһэ саастаах ыраас хааннаах аттарга 1600 миэтэрэҕэ:
I миэстэ – 1,47,47 бириэмэлээх Крит (Мэҥэ Хаҥалас 1-кы), II миэстэ – 1,48,02 Квит (Үөһээ Бүлүү), III миэстэ – 1,48,59 Торреро (Мэҥэ Хаҥалас 2-с);
Саха сиригэр төрөөбүт 4-тэриттэн үөһэ саастаах аттарга 3200 миэтэрэҕэ:
I миэстэ – 3,51,35 Шугар Кид (Мэҥэ Хаҥалас 1-кы), II миэстэ – 3,53,37 Талбан (Мэҥэ Хаҥалас 2-с), III миэстэ – 3,56,62 Төлөн (Чурапчы);
Тупсарыллыбыт саха боруодалаахтарга 4800 миэтэрэҕэ:
I миэстэ – 6,22,15 Хабиб (Мэҥэ Хаҥалас 1-кы), II миэстэ – 6,23,08 Уйгуура (Мэҥэ Хаҥалас 2-с), III миэстэ – 6,31,09 Барон (Дьокуускай Сахатент).
Хамаанданан бастыыр иһин уопсай түмүккэ:
I миэстэ – Мэҥэ Хаҥалас 1-кы хамаандата (3 очкуо),
II миэстэ – Мэҥэ Хаҥалас 2-с хамаандата (7 очкуо),
III миэстэ – Үөһээ Бүлүү (10 очкуо) буолары ситистилэр.
Бу дьоһун кыайыынан ат спордун сайдыытыгар үлэлии-хамсыы сылдьар тириэньэрдэрбитин, жокейдарбытын, ат спордун сэҥээрээччилэри эҕэрдэлиибит!
Инникитин даҕаны ситиһиилэр, кыайыылар кэлэ турдуннар!
Мэҥэ Хаҥалас улууһун дьаһалтатын пресс-сулууспата