«МИН ДУУҺАМ ЫЛЛЫЫР» ҮЛЭ ДЬОНУГАР АНАНАР ХОМУУР КИЛИИП СҮРЭХТЭННЭ
От ыйын 11 күнүттэн улууспут култууратын үлэһиттэрэ агитбиригээдэ үлэтин сөргүтэн үлэ дьонун сэргэхситэ, күннээҕи түбүктэн сынньата саха тыллаах кутун туппут, айылҕаттан айдарыылаах ырыаһыт, мелодист Валерий Ноев төрөөбүтэ 85 сылыгар аналлаах «Мин дууһам ыллыыр» диэн айар айанынан нэһилиэктэри, сайылыктары кэрийэ сылдьаллар
Үлэҕэ көҕүлүүр уостан түспэт ырыалардаах тыыннаах доҕуһуолунан кэнсиэрдээх, Валерий Ноев айар үлэтин, духуобунай нэһилиэстибэтин сырдатар быыстапкалаах, маастар-кылаастардаах, нэһилиэнньэни кытта араас тиэмэҕэ сэһэргэһии, аһаҕас кэпсэтиилэр ыытылыннылар.
Айар айан хаамыытынан улуустааҕы култуура уонна духуобунай сайдыы салалтата тыа хаһаайыстыбатын сылларынан Валерий Ноев «Мин дууһам ыллыыр» ырыатыгар үлэ дьонугар ананар хомуур килиип оҥорон таһаарда.
Көрүҥ, сэргээҥ!
Мэҥэ Хаҥалас улууһун дьаһалтатын пресс-сулууспата