Рекламный баннер 728x90px main1
ДМИТРИЙ САДОВНИКОВ УЛУУСПУТУГАР ТУТУЛЛА ТУРАР ЭБИЙИЭКТЭРИ КӨРДӨ
Бүгүн, атырдьах ыйын 3 күнүгэр, улууспутугар СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников үлэлээтэ.
Улуус баһылыга Дмитрий Тихонов, баһылыгы тутуу боппуруостарыгар солбуйааччы Василий Филиппов, СӨ тутуу миниистирин эбээһинэһин толорооччу Евгений Афанасьев уонна эппиэттээх үлэһиттэр буолан тутулла турар эбийиэктэри көрдүлэр.
Ол курдук, Аллараа Бэстээххэ «Култуура» национальнай бырайыак иитинэн тутулла турар, билиҥҥи туругунан 68% бүтэн турар Култуура киинигэр сырыттылар.
Быйыл балаҕан ыйыгар үлэҕэ киириэхтээх эбийиэк былаһааккатыгар уу тахсан кэккэ кыһалҕалары үөскэппит, онон туттарыллар болдьоҕо уһуур буолбут.
Кооперативная уулуссаҕа «Хаарбах туруктаах дьиэттэн дьону көһөрүү» бырагырааманан «Дайкири» ХЭТ тута сылдьар 41 кыбартыыралаах дьиэтин уонна «Сталь» ХЭТ 26 кыбартыыралаах дьиэтин көрдүлэр.
Бу дьиэлэр хаһаайыттарыгар быйыл, кыра көннөрүүлэр ситэриллибиттэрин кэнниттэн күлүүстэрин туттарыахтаахтар.
Салгыы Майаҕа «Доруобуйа харыстабыла» национальнай бырайыак нөҥүө 33 сытар миэстэлээх балыыһа комплексын уонна Байкалов уулуссаҕа «Мегинострой» тута сылдьар сэттэ этээстээх, 70 кыбартыыралаах уопсай олорор дьиэ тутуллуутун туругун билистилэр.
Бу дьиэ илин эҥэргэ бастакы лифтаах дьиэнэн буолара былааннанар, быйыл ахсынньы ыйыгар арыллыахтаах.
СӨ Бырабыыталыстыбатын бэрэссэдээтэлин бастакы солбуйааччы Дмитрий Дмитриевич эбийиэктэр ыйыллыбыт болдьохторуттан туораабакка бириэмэтигэр үлэҕэ киирэллэрин ирдиэхпит диэн иһитиннэрдэ.
Мэҥэ Хаҥалас улууһун дьаһалтатын пресс-сулууспата
251
Рекламный баннер 728x90px main2