Рекламный баннер 728x90px main1
АЛЛАРАА БЭСТЭЭХХЭ КУЛТУУРА КИИНИН ТУТУУТУН ХААМЫЫТЫН БИЛИСТИЛЭР
Бүгүн, атырдьах ыйын 29 күнүгэр, Саха Өрөспүүбүлүкэтин култуураҕа уонна духуобунай сайдыыга миниистирэ Афанасий Ноев, РФ култуураҕа министиэристибэтин судаарыстыбаннай уонна инвестиционнай бырагыраамаларынан үлэлиир отделын начаалынньыга Александр Москалев, улуус баһылыгын тутуу боппуруостарыгар солбуйааччы Василий Филиппов Аллараа Бэстээххэ үлэлээтилэр.
Ол курдук, "Култуура" национальнай бырайыагынан олоххо киирэр Култуура киинин тутуутун хаамыытын көрдүлэр. Билиҥҥи туругунан, бастакы этээс фасад өттүн, эбийиэк таһынааҕы сирин-уотун оҥоруу үлэлэрэ ыытылла тураллар.
Эбийиэги сыл түмүгэр диэри үлэҕэ киллэрэргэ былааннанар. Онуоха болдьохтон туораабакка, бэдэрээтчит - "СТК" хааччахтаммыт эппиэтинэстээх тэрилтэҕэ тутууга үлэһит ахсаанын элбэтэри, үлэни күүһүрдэргэ, хонтуруолга тутарга сорудах турда.
Мэҥэ Хаҥалас улууһун дьаһалтатын пресс-сулууспата
105
Рекламный баннер 728x90px main2