Бүгүн, атырдьах ыйын 30 күнүгэр, Майа сэлиэнньэтигэр Кыталык уопсастыбаннай киин иннигэр үтүө үгэс быһыытынан ыытыллар БЫЙАҤНААХ ТЭЛГЭҺЭ күһүҥҥү атыы-эргиэн быыстапка-дьаарбаҥката ыытылынна.
Хаһаайыстыбалар, түмсүүлэр, олохтоох оҥорон таһаарааччылар, агро оскуолалар, урбаанньыттар уонна баҕалаах дьон оҕуруот, сир астарын, эти-үүтү а5аланнар хамаҕатык атыылаатылар.
Быыстапка-дьаарбаҥка күрэҕэр Майа сэлиэнньэтиттэн, Төҥүлү, Дьабыыл, Ороссолуода, Дьаҥхаады, 3-с Мэлдьэхси, Хорообут, Хаптаҕай, Тараҕай, Нөөрүктээйи, 1-кы Наахара нэһилиэктэриттэн кыттыыны ыллылар.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева, Майа сэлиэнньэтин баһылыгын солбуйааччы Дмитрий Игнатьев улууспутугар иккис сылын ыытыллар Тыа хаһаайыстыбатын сылынан үтүө үлэһит дьоммутун эҕэрдэлээн туран, быйаҥнаах үлэлэрин түмүгүн дьон-сэргэ иннигэр таһаарбыттарыгар махтал тылларын эттилэр.
Тэрээһини ылбаҕай ырыалар, мусукаалынай эҕэрдэлэр киэргэттилэр.
Дьүүллүүр сүбэ бэрэссэдээтэлинэн улуус баһылыгын социальнай уонна имиджевэй бэлиитикэҕэ солбуйааччы Альбина Григорьева, чилиэттэринэн Алаас ыала общественнай тэрилтэ чилиэнэ, улуустааҕы бэтэрээннэр Сэбиэттэрин бэрэссэдээтэлэ Евдокия Решетникова, улуустааҕы дьахталлар сэбиэттэрин актыыбынай чилиэнэ Екатерина Романова, улуустааҕы тыа хаһаайыстыбатын салалтатын сүрүннүүр исписэлииһэ Светлана Александрова, социальнай бэлиитикэҕэ салалтатын исписэлииһэ Нюргуяна Охлопкова үлэлээтилэр.
Күрэх түмүгүнэн анал ааттар ааттаннылар. Ол курдук:
Уопсай түмүккэ кыайыылаах нэһилиэктэринэн буоллулар:
1 үрдэл Дьабыыл нэһилиэгэ
2 үрдэл Хорообут нэһилиэгэ
3 үрдэл Хаптаҕай нэһилиэгэ
Быыстапканы көрө-истэ кэлбит дьон бүгүҥҥү быыстапкаттан минньигэс, иҥэмтэлээх астарын ылынан, дуоһуйан, астынан бардылар.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0