Рекламный баннер 728x90px main1
Бэҕэһээ, Арассыыйа үрдүнэн биир кэлим куоластааһын күнүгэр, түөрт нэһилиэккэ муниципальнай быыбардар ыытылыннар.
1-кы Баатараҕа баһылыгы, Аллараа Бэстээххэ, Араҥас, Дьаҥхаады нэһилиэктэригэр муниципальнай тэриллиилэр бэрэстэбиитэллээх дьокутааттарын эбии быыбардара ааста.
Ол курдук, Аллараа Бэстээххэ алтыс нүөмэрдээх биир мандааттаах быыбардыыр уокурук дьокутаатынан Моисей Никитин,
Араҥас нэһилиэгэр бастакы биир мандааттаах быыбардыыр уокурук дьокутаатынан Татьяна Стручкова,
Дьаҥхаады нэһилиэгэр уон үһүс биир мандааттаах быыбардыыр уокурук дьокутаатынан Григорий Сергеев талылыннылар.
1-кы Баатара нэһилиэгэр баһылыгы талыыга икки хандьыдаат турбута: баһылыгынан үлэлээн кэлбит Петр Андросов уонна «Водоканал» тэрилтэ үлэһитэ Тит Данилов.
Испииһэккэ ыйыллыбыт 427 быыбардааччыттан 227 киһи куоластаабыт түмүгүнэн Петр Васильевич 187 баһыйар куолаһы ылан иккис болдьоҕор талылынна.
Дьон-сэргэ итэҕэлин ылан талыллыбыттарга ситиһиилээх үлэни баҕарыаҕыҥ!
Мэҥэ Хаҥалас улууһун дьаһалтатын пресс-сулууспата
51
Рекламный баннер 728x90px main2