Рекламный баннер 728x90px main1
ДЬАҤХААДЫ НЭҺИЛИЭГИН БАҺААРЫНАЙ ЧААҺЫН НАЧААЛЫННЬЫГА НИКОЛАЙ ВАСИЛЬЕВ ХОРСУН БЫҺЫЫНЫ ОҤОРДО
Балаҕан ыйын 10 күнүгэр Николай Васильев бэйэтин суотабай төлөпүөнүгэр: ““Боторууска” күөлгэ аҕам саастаах дьахтар ууга түстэ, сатаан тахсыбата”- диэн иһитиннэрии киирбит. Николай бу сири үчүгэйдик билэр буолан тутатына бэйэтин массыынатынан айаннаабыт.
Тахсыбыт быһылааҥҥа миэстэтигэр сөптөөх быһаарыныыны ылынан күөлгэ кэлээт, толкуйдуу барбакка ууга ыстаммыт. Өйүн сүтэрбит дьахтары ууттан таһааран бастакы көмөнү оҥорбут. Дьахтар өйүгэр кэлбитин кэннэ олохтоох бырааһы кытары балыыһаҕа илдьэ барбыттар. Кэлин дьахтары Майаттан “Суһал көмө” массыыната ылан барбыт.
Биир дойдулаахпыт эр санаата, хорсун быһыыта бу түбэлтэ баһаарынай сулууспа үлэһиттэрэ хаһан баҕарар, ханнык баҕарар ыксаллаах быһыыга-майгыга көмөҕө кэлэргэ бэлэмнэрин өссө төгүл дакаастаата.
Мэҥэ Хаҥалас улууһун дьаһалтатын пресс-сулууспата
71
Рекламный баннер 728x90px main2