Рекламный баннер 728x90px main1
«ДОЛООН» БУРДУК ҮҮННЭРИИНЭН ДЬАРЫГЫРАР БААҺЫНАЙ ХАҺААЙЫСТЫБА ҮЛЭ ҮГЭНИГЭР
Аркадий Попов салайааччылаах “Долоон” бурдук үүннэриинэн дьарыгырар бааһынай хаһаайыстыба Дьаҥхаады нэһилиэгин Долоон сайылык бааһынатыгар быйыл 419 га иэннээх сиргэ 30 га нэчимиэн, 100 га сэлиэһинэй уонна ордугар эбиэс ыһан балаҕан ыйын 4 күнүттэн хомуур үлэтин үгэнигэр сылдьаллар.
Тыа хаһаайыстыбатын үтүөлээх үлэһитэ Аркадий Николаевич 1989 сыллаахха үөрэҕин бүтэриэҕиттэн дойдутугар бурдукка биригэдьииринэн үлэтин саҕалаабыта. Кэлин 2000 сыллардаахха туспа “Долоон” бурдук хаһаайыстыбатын тэринэн күн бүгүн тигинэччи үлэлии сылдьаллар. Эһиил бааһынай хаһаайыстыба тэриллибитэ үбүлүөйдээх 25 сыла.
Бааһынай хаһаайыстыба 6 үлэһиттээх. Саас, күһүн быстах үлэлиир дьону наймылаһан ыһыыга, хомуурга, бурдук кууллааһыныгар үлэлэтэллэр. Билигин улуус дьаһалтата сыһыарбыт ОДьКХ үлэһиттэрэ күүс-көмө буола сылдьаллар.
«Быйыл үүнүү орто диэххэ сөп. Бурдук үүннэриитэ тиэхиньикэтэ суох табыллыбат. Алдьаныы-кээһэнии өрүү баар, тиэхиньикэлэр эргэрэн эрэллэр, эһиил улахан тыраахтар ылаары былаанныыбыт. Тула өттүм барыта өбүгэлэрим сирдэрэ, иннэ гынан өбүгэлэрим сирдэригэр үлэлии сылдьабын
»-диэн Аркадий Николаевич иһитиннэрдэ.
Мэҥэ Хаҥалас улууһун дьаһалтатын пресс-сулууспата
53
Рекламный баннер 728x90px main2