Рекламный баннер 728x90px main1
ТЫА ХАҺААЙЫСТЫБАТЫН ИСПИСЭЛИИСТЭРЭ АТТЕСТАЦИЯНЫ 100% ААСТЫЛАР
Балаҕан ыйын 19-20 күннэригэр улууспутугар тыа хаһаайыстыбатын исписэлиистэригэр аттестация ааһыыта ыытылынна.
Хамыыһыйаҕа улуус баһылыгын бастакы солбуйааччы Василий Михайлов, тыа хаһаайыстыбатын салалтатын салайааччыта Иннокентий Семенов салайыылаах хамыыһыйа үлэлээтэ.
Аттестация 4 түһүмэҕинэн ыытылынна:
1. Тест көрүҥүнэн ыйытыктарга хоруйдааһын.
2. Тыа хаһаайыстыбатын сайдыытыгар бэйэлэрин көрүүлэрин суруйуу.
3. Эксель халыыбыгар бэриллибит сорудаҕы оҥоруу.
4. Хамыыһыйаны кытта кэпсэтии-собеседованиены ааһыы.
Аттестацияҕа уопсайа 30 исписэлиис кыттыыны ылан 100 % аастылар. Тыа хаһаайыстыбатын эйгэтэ сайдарын туһугар туруулаһан үлэлии сылдьар дьоммутугар ситиһиини баҕарабыт.
Мэҥэ Хаҥалас улууһун дьаһалтатын пресс-сулууспата
28
Рекламный баннер 728x90px main2