Рекламный баннер 728x90px main1
МАЙА ОСКУОЛАТА БЫСТАХ ХОМУУРГА БАРБЫТ БУОЙУТТАРГА АНААН ЫРЫАННЬЫК ТАҺААРДА
В.П. Ларионов аатынан Майа орто оскуолатын кэлэктиибэ быстах хомуурга ыҥырыллан барбыт биир дойдулаахтарбытыгар анаан сахалыы ырыанньык оҥорон ыытта. Показать ещё
Ырыанньыкка Арассыыйа уонна Саха сирин гимнэрэ, ону таһынан айылҕа, булт-алт, төрөөбүт дойдуга таптал туһунан - эр дьон сөбүлээн ыллыыр ырыаларын хомуйан, сиэптэригэр укта сылдьарга табыгастаах быһыылаах гына оҥорон таһаардылар.
Көҕүлээччилэринэн муусука учууталлара, эбии үөрэхтээһин педагогтара буоллулар, бары сүбэлэһэн, талан, хомуйан оҥордулар. Оскуола типографиятыгар бэчээттэннэ.
Алгыстаах ырыа хомуурунньуга уолаттарбыт санааларын бөҕөргөттүн, күүс-сэниэ эптин, араҥаччылыы сырыттын!
986
Рекламный баннер 728x90px main2