Рекламный баннер 728x90px main1
БААТАРАҔА ДЬОРУОЙ ФЕДОР ПОПОВ 101 СЫЛЫГАР АНАЛЛААХ ТЭРЭЭҺИН
Бүгүн Баатара нэһилиэгэр сахалартан бастакы Сэбиэскэй Сойуус Дьоруойа Федор Кузьмич Попов бааматынньыгар өйдөбүнньүк сибэкки дьөрбөтүн ууруу сиэрэ-туома, салгыы кини аатын сүгэр орто оскуола үөПоказать ещёрэнээччилэригэр Дьоруой 101 сылыгар аналлаах өрө көтөҕүүллүүлээх тэрээһин ыытылынна.
Оскуола кэлэктиибэ, үөрэнээччилэр, төрөппүттэр, ыалдьыттар мүнүүтэ чуумпуран киниэхэ махтаналларын, үтүө аатыгар сүгүрүйэллэрин биллэрдилэр. Оскуола дириэктэрэ Геннадий Макаров, нэһилиэк баһылыга Иван Матвеев тыл эттилэр.
Улуус баһылыга Дмитрий Тихонов аатыттан улуус дьаһалтатын үлэһиттэрин уонна тэрээһин үлэтин салайар сулууспа салайааччыта Станислав Захаров оҕолорго туһаайан патриотическай тыыннаах этиитин этэн туран, бу оскуолаҕа учууталлаабыт, офицер-баспытааталынан үлэлээбит Владислав Эдуардович Тарабукин бойобуой дьайыыларга хорсун быһыытын, ыччаты патриотическай иитиигэ кылаатын иһин Саха Өрөспүүбүлүкэтин Ыччат уонна социальнай коммуникация министиэристибэтэ олохтообут Дьоруой Федор Кузьмич Попов аатынан “Патриот сүрэҕэ” (“Сердце патриота”) Бочуот бэлиэтин кэргэнигэр Сайыына Христофоровнаҕа туттарда.
Баатара кадеттара, үөрэнээччилэр анал нүөмэрдэри көрдөрдүлэр, кадеттар кэккэлэригэр киирэр үөрэнээччи бирисээгэ биэрдэ.
879
Рекламный баннер 728x90px main2