Рекламный баннер 728x90px main1
КИИРИЭҔЭЙ?
Бу туһунан «Мэҥэ Хаҥалас улууһа» МО дьаһалтатын хапытаалынай тутууга салалтатын начаалыннньыга Илья Григорьевтыын кэпсэттибит.
Показать ещё
Саахалланар кутталлаах туруктаах дьиэлэр бары булгуччу көтүрүллэллэр диэн буолбатах, сорох түгэҥҥэ хапытаалынай өрөмүөн оҥорон, сыбаайатын, эркинин бөҕөргөтөн биэриэхтэрин эмиэ сөп. Ону олохтоох дьаһалта быһаарар. Хаарбах дьиэлэр испииһэктэригэр киллэрэргэ олохтоохтор сайабылыанньа суруйан, хас биирдии кыбартыыраттан дьиэни бас билии докумуонун хомуйан, тутулуга суох тэрилтэ «Элбэх кыбартыыралаах дьиэ чахчы саахалланар кутталлаах» диэн чинчийэн көрүүтүн түмүгүн олохтоох дьаһалтаҕа туттарыахтаахтар диэн ирдэбил биир көрүҥэ буолар.
«Хаарбах туруктаах дьиэттэн дьону көһөрүү» регионнааҕы аадырыстаммыт бырагыраама уонна «Олорор дьиэ уонна куорат эйгэтэ» национальнай бырайыак чэрчитинэн ааһан эрэр сылга биһиги улууска 8 олорор дьиэ үлэҕэ киирэрэ былааннанар.
Ол курдук Майаҕа Исаев уулусса 11 аадырыһыгар турар 61 кыбартыыралаах, Байкалов уулуссаҕа 6 нүөмэригэр турар 32 кыбартыыралаах таас дьиэлэр (тутааччы-бэдэрээччик «Мэҥэ тутуу» тэрилтэ), Исаев уулусса 1 нүөмэрдээх дьиэтин 2-с куорпуһа («Арктика-строй» ХЭУо), Томторго Сосновай уулусса 7 нүөмэрдээх дьиэ 2-с куорпуһугар түөртүү кыбартыыралаах 2 олорор дьиэ («Аурис» ХЭУо), Табаҕаҕа Совхознай уулусса 10 нүөмэригэр турар 15 кыбартыыралаах олорор дьиэ, Хорообукка Игнатьев уулуссаҕа элбэх кыбартыыралаах олорор дьиэ («Электромонтаж» ХЭТ), Аллараа Бэстээх бөһүөлэгэр Алданскай уулуссаҕа 35 кыбартыыралаах («Траст» ХЭТ).
Улуус дьаһалтатын пресс-сулууспата
854
Рекламный баннер 728x90px main2