Рекламный баннер 728x90px main1
АНДРЕЙ НАХОДКИН: “УЛУУСПУТ НЭҺИЛИЭКТЭРИГЭР САЛАЛТА ӨРТҮТТЭН ӨЙӨБҮЛ, БЫЛААННААХ ҮЛЭ БАРАР”
2023-2025 сыллар Мэҥэ Хаҥалас улууһугар Тыа хаһаайыстыбатын сылларынан биллэрилиннэ. Бу туһунан Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ, норуот дьокутаатаПоказать ещё Андрей Находкин санаатын үллэстэр.
“Улууспут нэһилиэктэригэр салалта өртүттэн өйөбүл, былааннаах үлэ барар. Ол курдук, федеральнай бырагырааманан хаарбах дьиэттэн саҥа кыбартыыраларга дьону көһөрүү, болуоссаттар, искибиэрдэр, социальнай эбийиэктэр тутуулара, хочуолунайдар тутуллан, ыаллар дьиэлэрин ититэр ситимҥэ холбооһун, о.д.а. элбэх хайысхалаах үлэҕэ баһылыктар быһаччы кыттыһаллар, тэрийсэллэр.
Онтон төрүт дьарыкпыт - тыа хаһаайыстыбата эмиэ нэһилиэк баһылыгын, дьаһалтатын күннэтэ болҕомтотун ирдиир салаа буолар. Миэстэтигэр олохтоох бородууксуйа оҥоһулларын, нэһилиэнньэ этинэн-үүтүнэн хааччыллыытын, аҕыйах да буоллар, бу хайысхаҕа саҥа үлэ миэстэтэ арыллыытын нэһилиэккэ баһылык иилээн-саҕалаан тэрийдэҕинэ эрэ, барыта оннуттан хамсыаҕа. Итини барытын ырытан, ыараҥнатан көрөн баран, улуус баһылыга Дмитрий Иванович Тихонов улууска Тыа хаһаайыстыбатын үс Сылын биллэрбитин быһаччы үлэлэһэ сылдьар киһи буоларым быһыытынан олус биһирээтим.
Түмүк биир сылынан көстүбэт, онтон үс-биэс сылынан, былааннаах үлэ биир хайысханан бардаҕына, туох эрэ хамсааһын тахсыаҕа. Туораттан көрөөччүлэр курдук олорон хаалбакка, бары кыттыһыахпытын наада. Холобура, улуус салайааччылара, оскуола, кулууп дириэктэрдэрэ, дьокутааттар о.д.а. салалтаҕа үлэлиир дьон бука бары сылгылаах буоллахтарына, ынах сүөһүнү атыылаһан эбэтэр харчы төлөөн, дьоҥҥо ииттэрэр буоллахтарына, сылгы-сүөһү төбөтүн ахсаана өссө элбиэ, дьон эбии дохуот аахсыа этэ. Барыта тус бэйэбититтэн саҕаланар”.
996
Рекламный баннер 728x90px main2