Рекламный баннер 728x90px main1
МЭҤЭ ХАҤАЛАС УЛУУҺУГАР 2023-2024-2025 СЫЛЛАРЫ "ТЫА ХАҺААЙЫСТЫБАТЫН СЫЛЛАРЫНАН" БИЛЛЭРДИЛЭР
Бүгүн, ахсынньы 26 күнүгэр, улууспут баһылыга Дмитрий Тихонов, улууспутуттан Ил Түмэн дьокутаата Андрей Находкин, нэһилиэктэр баһылыктара, тыа хаһаайыстыбатын тэрилтэлэрин салайааччылараПоказать ещё буолан, Саха Өрөспүүбүлүкэтин тыатын хаһаайыстыбатын миниистирэ Александр Атласовтыын көрүстүлэр.
Мунньахха миниистири солбуйааччылартан, тыа хаһаайыстыбатын департаменын салайааччыларыттан улууспут өттүттэн туруорсар боппуруостарыгар тутатына сөптөөх хоруйдары ылан, этиилэрин тириэрдэн, кэлэр өттүгэр ыкса бииргэ үлэлэһэргэ сүбэлэстилэр.
Улууспут баһылыга Дмитрий Тихонов Мэҥэ Хаҥалас улууһугар 2023-2024-2025 сыллары Тыа хаһаайыстыбатын сылларынан биллэрдэ.
"Дьоммут-сэргэбит олохторо туруктаах буолуутугар, тыа хаһаайыстыбатын эйгэтигэр үлэ миэстэтин таһаарыыга, ыччаты үлэҕэ уһуйууга, ынах сүөһү иитиитинэн дьарыктанар, төбө ахсаанын дэлэтиигэ, сиртэн үүнээйини ылыыга, тыа хаһаайыстыбатын бородууксуйатын оҥорон таһаарыыга сыралаһан үлэлиир дьоммутун түмэр, тэрилтэлэрбит, хаһаайыстыбаларбыт, оҥорон таһаарар бородууксуйабыт өрөспүүбүлүкэ таһымыгар күрэстэһэр кыахтарын үрдэтиигэ, өйүүргэ, тыа сиригэр олорорго-үлэлииргэ табыгастаах усулуобуйаны тэрийэргэ туһуламмыт дьаһаллары ылынан, бары күүспүтүн түмэн былааннаах, ситимнээх үлэни тэрийэн ыытыахпыт диэн бигэ эрэллээхпин", - диэн улуус баһылыга Дмитрий Тихонов эттэ.
Мэҥэ Хаҥалас улууһун пресс-сулууспата
1071
Рекламный баннер 728x90px main2