Рекламный баннер 728x90px main1
Арассыыйа Бэчээтин күнүнэн
«Мэҥэ Хаҥалас улууһа» МО дьаһалтатын, дьокутааттарын Сэбиэтин, уопсастыбаннаһын уонна тус бэйэм ааппыттан бэчээт эйгэтин үлэһиттэрин, бэтэрээннэрин, суруналыыс идэлээх бука бары биир дойдулаахтарбытын идэлээх күҥҥүтүнэн эҕэрдэлиибин! Показать ещё
Бүгүр Петр Первай уурааҕынан дойдубут бастакы хаһыата «Ведомости» бэчээттэнэн тахсыбыта 320 сылын туолла. Бу кэмтэн саҕалаан бэчээт эйгэтэ кэҥээн, билиҥҥи сыыппара үйэтигэр дылы сайдан кэллэ. Эһиги олох сайдыытын кытта тэҥҥэ хаамсан, аныгы коммуникация көрүҥнэрин кытта бэчээт эйгэтин дьүөрэлии тутан, ааҕааччыларга сонуннары, иһитиннэриилэри суһаллык уонна толору тиэрдэргэ, нэһилиэнньэни, норуоту кытта быһа сибээһи олохтуурга быһаччы көмөлөөххүт.
Эһиги идэҕитигэр бэриниилээх, эппиэтинэстээх уонна гражданскай хайысхалаах буолуугутуттан биһиги олохпут көстүүтэ, уопсастыбабыт уобараһа улахан тутулуктаах.
Улууска буола турар быһыыны-майгыны сиһилии уонна табыгастаахтык анааран ситимнээн ааҕааччылар интэриэстэригэр сөп түбэһиннэрэн, кэмигэр таһааран иһэргитин махтана бэлиэтиибин.
Улуус дьонугар-сэргэтигэр туһалаах интэриэһинэй матырыйааллары таһаара тураргытыгар, уустук уонна эппиэтинэстээх үлэҕит көдьүүстээх, айымньылаах буоларыгар, саҥаттан саҥа кирбиилэри ситиһэргитигэр баҕа сана тылларын этэн туран, чэгиэн туругу, этэҥҥэ буолууну баҕарабын!
Улуус баһылыга Дмитрий Тихонов
974
Рекламный баннер 728x90px main2