Рекламный баннер 728x90px main1
АНАЛ БАЙЫАННАЙ ДЬАЙЫЫЛАР КЫТТЫЫЛААХТАРЫН ДЬИЭ КЭРГЭТТЭРЭ ДАСТАБЫРЫАННЬАЛАРЫ ТУТТУЛАР
Улууспут баһылыга Дмитрий Тихонов 2023 сыл тохсунньу 13 күнүнээҕи дьаһалынан дойдубутун көмүскүү анал байыаннай дьайыыларга ыҥырыллан уонна баҕа өттүнэн барбыт биир дойдулаахтарбыт дьиэПоказать ещё кэргэттэригэр анаан үс ыйдаах дастабырыанньа оҥоһулунна.
Бу дастабырыанньанан олунньу 1 күнүттэн Аллараа Бэстээххэ “Парус” спортивнай комплекска, Майатааҕы Д.Ф. Ходулов аатын народнай театр ыытар халандаарынай тэрээһиннэригэр босхо киирии, “Техкоммунсервис” тэрилтэ өҥөтүнэн Майа сэлиэнньэтин иһинэн уонна “Майа - Аллараа Бэстээх – Дьокуускай куорат” хайысхаларынан автобустарга босхо айан олохтонно.
Бастакынан дастабырыанньаны туттарыы Майа сэлиэнньэтигэр буолла. Ол курдук, тохсунньу 24 күнүгэр “Дьол түһүлгэтэ” уопсастыбаннай кииҥҥэ анал байыаннай дьайыылар кыттыылаахтарын дьиэ кэргэттэрин кытта көрсүһүү ыытылынна. Тэрээһиҥҥэ Мэҥэ Хаҥалас уонна Уус Алдан улуустарын байыаннай комиссарын эбээһинэһин быстах кэмҥэ толорооччу Леонид Семенов, улуустааҕы поликлиника сэбиэдиссэйэ Тамара Федорова, улуустааҕы социальнай харалта салалтатын исписэлииһэ Павел Адамов, улуустааҕы социальнай бэлиитикэ салалтатын исписэлииһэ Светлана Маркова, "Түмэн" уопсастыбаннай түмсүү салайааччыта Мария Лукина, Майа сэлиэнньэтин Дьиэ кэргэн киинин салайааччыта Виктория Федорова кыттыыны ыллылар.
Дастабырыанньаны кимнээх ылыахтарын сөбүй?
Анал байыаннай дьайыы кыттыылааҕын дьиэ кэргэнин чилиэннэрэ: кэргэнэ, оҕолоро уонна төрөппүттэрэ. Оттон ыал буола илик уонна икки төрөппүтэ суох буоллаҕына, бииргэ төрөөбүттэрэ туһаныахтарын сөп.
Бу туһунан сиһилии Улуустааҕы социальнай бэлиитикэ салалтатыттан +7 914 287-18-07 нүөмэргэ эрийэн ыйыталаһаргытыгар. Аадырыстара: Майа сэлиэнньэтэ, Майинскай уулусса 7 нүөмэрдээх дьиэтэ.
Мэҥэ Хаҥалас улууһун дьаһалтатын пресс-сулууспата
830
Рекламный баннер 728x90px main2