Бүгүн, олунньу 13 күнүгэр, Төрөөбүт тыл, сурук-бичик күнүнэн, биллиилээх суруйааччыбыт, Саха Өрөспүүбүлүкэтин култууратын үтүөлээх үлэһитэ Иннокентий Михайлович Сосин төрөөбүтэ 95 сылыгар анаммыт Илгэлээх ийэ тылым, төлкөлөөх төрүт тылым сахалыы дьыктааны суруйуу буолла.
Тэрээһини Иннокентий Михайлович аатын сүгэр улуустааҕы киин бибилэтиэкэ иилээн-саҕалаан ыытта. Дьыктаан И.М. Сосин Киһи дьоло үс төрүттээх айымньытыттан быһа тардыыттан сурулунна.
Тэрээһиҥҥэ улуус баһылыгын социальнай уонна имиджевэй бэлиитикэҕэ солбуйааччы Альбина Григорьева Ийэ тыл күнүнэн мустубут дьону эҕэрдэлээтэ итиэннэ төрүт тылбыт чөл хаалыыта уонна сайдыыта хас биирдиибититтэн тутулуктааҕын, дьыктаан кыттыылаахтара сыллата эбиллэн иһэллэрин, онон эһиилги дьылга маннык тэрээһини киэҥ хабааннаахтык ыытар наадатын бэлиэтээн эттэ.
Дьыктааҥҥа үлэһит дьон, эдэр көлүөнэ уонна аҕам саастаахтар көхтөөх кыттыыны ыллылар. Ол курдук, улуус баһылыгын бастакы солбуйааччы Василий Михайлов, улуус экономическай сайдыыга салалтатын салайааччыта Екатерина Павлова, улуустааҕы социальнай харалта салалтатын салайааччыта Иван Шестаков, култуура салалтатын салайааччыта Анна Исакова, муниципальнай баайы-дуолу салайыыга уонна сиргэ сыһыаннаһыыга ааҕыныстыба салайааччыта Дмитрий Аргунов, социальнай бэлиитикэҕэ салалта салайааччыта Октябрина Кулешова, туһааннаах сиргэ-уокка үлэни, уопсастыбаҕа сибээһи олохтооһуну тэрийэр салаа салайааччыта Айталина Сыроватская, Майа сэлиэнньэтин баһылыга Алексей Неустроев, олохтоох дьаһалта исписэлиистэрэ, ийэ тылы көҕүлээччи Евдокия Решетникова, баһаарынай чаастан Алексей Плотников, "Эркээйи" хаһыат кэрэспэндьиэннэрэ, уопсастыбаннас суруйда.
Барыта Майа сэлиэнньэтигэр 33, Аллараа Бэстээххэ 24 киһи сахалыы таба суруйууга билиилэрин тургуттулар, кыттыбыт дьоҥҥо туоһу суругу туттардылар.
Мэҥэ Хаҥалас улууһун дьаһалтатын пресс-сулууспата.
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0