Бүгүн улууспут ытык кырдьаҕаһын, Майа олохтооҕо, үлэ, тыыл бэтэрээнэ Вера Петровна Гоголеваны олоҕун кэрэ-бэлиэ кэминэн, 90 сааһын туолбут өрөгөйдөөх үбүлүөйүнэн эҕэрдэлээтибит.
Дойдубут Президенэ Владимир Путин, Өрөспүүбүлүкэбит Ил Дархана Айсен Николаев, улууспут баһылыгын эҕэрдэ тыллаах суруктарын улуус баһылыгын социальнай уонна имиджевэй бэлиитикэҕэ солбуйааччы Альбина Григорьева туттарда.
Вера Петровна Ийэ, Эбэ үрдүк аналын чиэстээхтик сүгэн, төрүт иис ньымаларын тарҕатарын, мастан араас оҥоһуктары чочуйан, илиитинэн кыһан оҥорорун хайгыы, сөҕө көрөбүт, холобур оҥостобут.
Ытык киһибитигэр, чэгиэн-чэбдик сылдьан, чугас дьонуҥ тапталларыгар бигэнэн, уһун дьоллоох олоҕу олороргор баҕарабыт!
МТ дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0