Олунньу 28 күнүгэр Хаҥалас улууһун Өктөмүгэр Нация доруобуйата хас биирдиибит эппиэтинэһэ өрөспүүбүлүкэтээҕи пуорум үлэтигэр улууспут делегацията кыттыыны ылла. Делегация састаабыгар Майа тыа сирин түөлбэтин баһылыгын солбуйааччы Федор Белолюбскай, улуустааҕы социальнай бэлиитикэ салалтатын исписэлииһэ Светлана Маркова, Чөл олохтоох улуус уопсастыбаннай түмсүү салайааччыта Татьяна Артемьева, бу түмсүү Сэбиэтин чилиэнэ Анна Сергучева, оройуон Кииннэммит балыыһатын психиатр-нарколог бырааһа Александра Мохначевская сырыттылар.
Пуорум үлэтин чэрчитинэн ыытыллыбыт стратегическай сессия кэмигэр Үлэ миэстэтигэр үлэһиттэргэ табыгастаах эйгэни тэрийии, СӨ муниципальнай тэриллиилэрин территорияларыгар уопсастыба, нэһилиэнньэ доруобуйатын бөҕөргөтүү, СӨ тэрилтэлэригэр үлэ миэстэтигэр табыгастаах, чөл эйгэни тэрийии, үлэһиттэр доруобуйаларыгар харыстабыллаах сыһыаны үөскэтии, доруобуйаларын бөҕөргөтүү курдук анал былаһааккаларынан арахсан бэриллибит темаларга бырайыактары оҥоруу үлэтигэр кыттыыны ыллылар.
МТ дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0