Мэҥэ Хаҥаластааҕы ОДьКХ Коммунтеплосбыт учаастага иһитиннэрэринэн, кулун тутар 5 күнүнээҕи туругунан, нэһилиэнньэ коммунальнай өҥө төлөбүрүн иэһэ 26302238,21 солкуобайга тэҥнэстэ.
Хомойуох иһин, бу сыыппаралар нэһилиэнньэ ортотугар төлөбүр дьиссипилиинэтэ намыһаҕын, төлүүр кыахтаах дьон төлөөбөттөрүн көрдөрөр.
Бэбиэскэҕэ маннык боппуруоһу туруоран, бүгүн улуус баһылыгын 1-кы солбуйааччы Василий Михайлов нэһилиэк баһылыктарын, тэрилтэ салайааччыларын кытта мунньахтаата. Кэпсэтиигэ биирдиилээн нэһилиэктэр балаһыанньаларын истии, төлөбүр кэмигэр киирбэтин үөскэтэр биричиинэлэри ырытыһыы буолла.
Түмүккэ Василий Михайлов нэһилиэк баһылыктарыгар, тэрилтэ салайааччыларыгар коммунальнай өҥө төлөбүрдэриттэн аккаастанан харгыстары үөскэппэккэ, баар иэһи төлүүргэ биирдиилээн дьону кытта үлэни күүһүрдэргэ, нэһилиэнньэҕэ өйдөтүү үлэтин ыытарга сорудахтаата.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0