Рекламный баннер 728x90px main1
дьон муһунна. Түөрт түһүмэхтэн турар хамаанданан күрэххэ, хас биирдии хамаанда састаабыгар түөртүү эр дьон кытыннылар. Уопсайа 7 хамаанда кытынна.
Хамаандалар күрэх балаһыанньатын иитинэн: Показать ещё
- ат тэрилин сүкпүтүнэн 100 миэтэрэҕэ кыттааччылар сүүрүүлэрин
- 600 миэтэрэҕэ аты ыҥыырдаан уонна бэрэмэдэйдээх сүүрдүү
- сыарҕалаах атынан сыыдам айан
- мэһэйдэри ааһыы
түһүмэхтэригэр илин-кэлин түһүстүлэр.
Сүрүн күрэхтэһии өрөспүүбүлүкэтээҕи балаһыанньанан ыытылынна. Күрэхтэһиини биллэр комментатор Серафим Терентьев иилээн-саҕалаан ыытта. Сүрүн судьуйанан улуустааҕы сылгыһыттар түмсүүлэрин салайааччыта Михаил Егоров үлэлээтэ.
Күрэх түмүгүнэн:
I миэстэ - Нөөрүктээйи нэһилиэгэ (7.28.60)
II миэстэ - Мөҥүрүөн нэһилиэгин 1 хамаандата (8.11.58)
IIIмиэстэ – 1-кы Наахара нэһилиэгэ ( 8.44.49)
Улууспутугар Тыа хаһаайыстыбатын сылларынан, кэлэн иһэр Сылгыһыттар күннэрин көрсө үлэһит дьону чиэстээн, төрүт дьарыкпытын тута сылдьар-сылгыһыттары, кинилэр сыралаах үлэлэрин билиһиннэрэн, бу эйгэҕэ оҕолорбутун, ыччат дьоммутун сыһыарар сыаллаах бүгүҥҥү күрэххэ аан маҥнайгытын кытыннаран улахан тэрээһини үрдүк таһымҥа ыытылынна.
Күрэхтэһиини тэрийээччилэргэ, бириистэри олохтообут спонсордарга, судьуйаларга, ыалдьыттары бэрт сылаастык, тэрээһиннээхтик көрсүбүт Бэдьимэ нэһилиэгин олохтоохторугар, I Баатара нэһилиэгин баһылыгар Петр Андросовка дириҥ махталбытын тиэрдэбит!
Мэҥэ Хаҥалас улууһун дьаһалтатын пресс-сулууспата
714
Рекламный баннер 728x90px main2