Бүгүн, кулун тутар 10 күнүгэр, Р.И.Брызгалов аатынан Транспортнай техникум кыһатыгар "МУУС УСТАР" ыччат фестивальын чэрчитинэн VII төгүлүн ыытыллар МОЯ ПРОФЕССИЯ IT 2023 Өрөспүүбүлүкэтээҕи куонкурус улуустааҕы таһымын күрэҕэ саҕаланна.
Бу сылга улууспут үөрэх кыһаларыттан 51 кыттааччы,
Дьокуускай куорат Центр Глобального Образования гимназиятыттан экспертар, трекер-ментордар кэллилэр.
Күрэс сүрүн тэрийээччитинэн И.Г.Тимофеев аатынан Майатааҕы лицей,
партнердарынан улуустааҕы Бизнес-инкубатор хампаанньата уонна Н.Е.Мординов Амма Аччыгыйын аатынан "Кэскил" оҕо хаһыата буолаллар.
Тэрээһин кыттааччыларын
СӨ Ил Дархана Айсен Николаев,
СӨ Инновация, цифровой сайдыы уонна инфокоммуникационнай технология салайааччыта Анатолий Семенов,
Саха сирин үөрэххэ уонна наукаҕа министиэристибэтин салайааччыта Ирина Любимова уонна
СӨ Ыччат дьыалаларыгар уонна социальнай коммуникацияларын салайааччыта Петр Шамаев аныгылыы видео нөҥүө эҕэрдэлээтилэр, ситиһиилэри баҕардылар.
Күрэҕи улууспут үөрэҕирии салалтатын салайааыччыта Николай Никифоров уонна бочуоттаах ыалдьыттар эҕэрдэлэринэн арыйдылар.
Муниципальнай түһүмэх хакатон форматынан ааһар. Ол аата күрэхтэһээччилэр бэриллибит бириэмэҕэ хамаандаҕа арахсан цифровой продукт прототип оҥорон таһаараллар.
Хамаанда састааба 3 киһиттэн турар (менеджер, дизайнер уонна разработчик).
Муниципальнай түһүмэх түмүгэ хамаандалар 2 күннээх үлэлэрин көрдөрүүтүнэн сарсыр тахсыаҕа.
Мэҥэ Хаҥалас улууһун пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0