Рекламный баннер 728x90px main1
ҮӨРЭХ ЭЙГЭТИН ҮЛЭҺИТТЭРЭ МИНИИСТИРИ ИРИНА ЛЮБИМОВАНЫ КЫТТА КӨРҮСТҮЛЭР
Бүгүн, кулун тутар 21 күнүгэр, Саха Өрөспүүбүлүкэтин Үөрэххэ уонна наукаҕа миниистирэ Ирина Любимова улууспут үөрэҕирии тэрилтэлэрин салаайааччыларын кытта көрүстэ.
Показать ещё
“СӨ саҥа технологиялар институттара” эбии профессиональнай үөрэхтээһин тэрилтэтин дириэктэрэ Айал Соловьев, “РЦПМСС” эбии үөрэхтээһин тэрилтэтин дириэктэрэ Константин Чичигинаров, “Юные якутяне” киин дириэктэрэ Ирина Черкашина, Үөрэҕирии сайдыытын уонна идэни үрдэтэр институт дириэктэрэ Ньургун Павлов састааптаах делегацияны улуус баһылыгын социальнай уонна имиджевэй бэлиитикэҕэ солбуйааччы Альбина Григорьева, улуустааҕы үөрэх салалтатын салайааччыта Николай Никифоров арыаллаатылар.
Майатааҕы Ф.Г. Охлопков аатынан орто оскуолаҕа төгүрүк остуол ыытылынна. Цифровой технология үйэтигэр кэлэр кэм оскуолата, үөрэхтээһиҥҥэ ураты болҕомтону ирдиир оҕолору кытта үлэ, аныгы олох үөрэҕирии систиэмэтигэр эбии үөрэхтээһин оруолун туһунан, ону таһынан ФГОС, ФООП саҥардыллыбыт бырагыраамалар ирдэбиллэрин сырдаттылар.
Көрсүһүү иккис аҥаарыгар миниистири Ирина Павловнаны кытта үөрэҕирии эйгэтигэр суолталаах тиэмэлэри ырытыһыы буолла, салайааччылар бэйэлэрин туһааннаах ыйытыктарыгар хоруйдары ыллылар.
Мэҥэ Хаҥалас улууһун дьаһалтатын пресс-сулууспата
773
Рекламный баннер 728x90px main2