Рекламный баннер 728x90px main1
Бүгүн, муус устар 1 күнүгэр, Майаҕа керлинг улуустааҕы күрэҕэ быйыл үһүс төгүлүн ыытылынна. Бу көрүҥү көҕүлээччи, күрэҕи тэрийээччи Архип Скрябин буолар.
Күрэххэ барыта 6 хамаанда кыттыыны ылла. Саамай кэрэхсэбиллээҕэ хас да көлүөнэ дьон кыттыыта буолар: эдэрдэр, орто саастаахтар,Показать ещё бэтэрээннэр - иккилии киһилээх хамаанда туруордулар. Төһө да хаардаах, тыаллаах күн турдар, күрэхтэһии бэрт сэргэхтик ааста.
Тыҥааһыннаах киирсии түмүгүнэн эдэр уолаттар "Хотойдор" (Мирослав Мохначевский, Петр Михайлов) хамаандата эрэллээхтик бастаата. Иккис "Муус хайа" хамаанда (Петр Неустроев, Афанасий Павлов), үһүс миэстэ "Балыктаах" (Николай Барабанов, Михаил Барабанов) хамаандата таҕыста. Кыайыылаахтар анал мэтээлинэн, сыаналаах туоһу суруктарынан наҕараадаланнылар.
Майа сэлиэнньэтин дьаһалтатын пресс-сулууспата
1011
Рекламный баннер 728x90px main2