Үөрэх министиэристибэтин уонна өрөспүүбүлүкэ уруһуй учууталларын Ассоциациатын көҕүлээһиннэринэн тэриллибит Рисуем все бырайыак иһинэн ыытыллар Эстэпиэтэ кулун тутар 27 күнүгэр бырайыак саҕаламмыт сиригэр - Хаҥалас улууһугар Покровскай куоракка Инновационные технологии и техники в реализации проекта Рисуем все диэн тиэмэнэн ыытылынна.
Эстэпиэтэ Хаҥалас, Нам, Мэҥэ Хаҥалас улуустарыттан 40 педагогическай үлэһити түмтэ. Тэрээһин арыллыытыгар, Рисуем все бырайыагы саҕалаабыт Александр Васильевич Харитонов уонна Наталья Николаевна Макеева бочуоттаах ыалдьыт буоллулар.
Сэминээргэ мустубут дьону Покровскай орто оскуолатын дириэктэрэ С.С. Владимиров, Хаҥалас улууһун үөрэҕин салалтатын начаалынньыгын солбуйааччы Н.Н. Макеева эҕэрдэлээтилэр. Кинилэр бырайыак, ойуулуур-дьүһүннүүр ускуустуба оҕо иитиитигэр, үөрэх хаачыстыбата үрдүүрүгэр оруолун тоһоҕолоон бэлиэтээтилэр.
Сэминээр практикум бырагыраамата олус киэҥ ис хоһоонноохтук ааста. Уруһуй учууталлара, аһаҕас уруоктары, уһуйаан иитээччилэрэ, Покровской оҕо художественнай оскуолатын, Нам педагогическай колледжын учууталлара маастар-кылаастары үрдүк таһымнаахтык ыыттылар. Тэрээһин бүтүүтүгэр үөрүүлээхтик Эстэпиэтэ бэлиэтин Мэҥэ Хаҥалас улууһун дэлэгээссийэтигэр туттардылар.
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0