Ытыктабыллаах Майабыт сэлиэнньэтин олохтоохторо!
Кулун тутар 31 күнүгэр 11:00 чаастан Д.Ф. Ходулов аатынан Култуура киинигэр Майаҕа тутуллуохтаах бөҕү уматар собуот бырайыагын тула кэпсэтии, этиилэри истии аһаҕас түһүлгэтэ ыытыллыаҕа.
Сылга 10 000 тонна бөҕү уматар кыамталаах собуот бырайыагын оҥоруу былаан быһыытынан муус устар ыйга саҕаланар. Маннык собуот айылҕабытын харыстыырга, тулалыыр эйгэбитин тупсарарга олус наадалаах.
Бу үлэ барарыгар улууспут, Майа сэлиэнньэтин олохтоохторо түмсэн, этиилэргитин киллэрэн, ырытыһыыга кыттан бэйэҕит кылааккытын киллэриэххит диэн эрэнэбит. Барыгытын күүтэбит!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0