Рекламный баннер 728x90px main1
Муус устар 1, 2 күннэригэр, Дьабыыл нэһилиэгэр
"Физическэй култуура бастыҥ учуутала - 1996" аан бастакы өрөспүүбүлүкэтээҕи куонкурус муҥутуур кыайыылааҕа,
Тверь куоракка ыытыллыбыт "Эти-сиини сайыннарар уонна спортивнай үлэни үөрэтии ньыматыгар уһуйааччы үлэтин маастара - 1997"
Арассыыйатааҕы куонкурус лауреата,
тустуу көрүҥэр ССРС спордун маастарын хандьыдаата
Михаил Харитонович Кузнецов аатын үйэтитэр волейболга VIII аһаҕас турнир буолла.
Улууспут 9 нэһилиэгиттэн 11 эр дьон, 11 дьахталлар хамаандалара күөн көрсөн тыҥааһыннаахтык кииристилэр. Ол түмүгүнэн,
Дьахталларга
1 үрдэлгэ - Мөҥүрүөн, 2 үрдэлгэ - 1-кы Баатара, 3 үрдэлгэ - Хара нэһилиэктэрин хамаандалара таҕыстылар.
Эр дьоҥҥо
1 үрдэл - 1-кы Баатара, 2 үрдэл - Хара, 3 үрдэл - Томтор хамаандаралара буоллулар. Кыайыылахтар мэтээллэринэн, уу харчынан, кубогынан наҕарааланнылар.
Анал ааттар иҥэрилиннилэр:
«Бастыҥ оонньооччу» Анжела Федорова (Мөҥүрүөн), Артем Готовцев (1-кы Баатара);
«Көдьүүстээх оонньооччу» Сардаана Баянакова, Валерия Хастаева, Анна Борисова, Валерия Захарова, Руслана Аммосова, Иннокентий Артамонов, Александр Аммосов, Валериан Неустроев, Семен Баишев, Ростислав Афонский, Арсен Жирков, Халдеевтар 4 бииргэ тереебуттэр, Айтал Борисов уонна да атыттар ааттаннылар.
Тэрээһин үрдүк таһымнаахтык ааспытын бэлиэтээн туран М.Х. Кузнецов аймах-билэ дьоно тэрийээччилэргэ, кыттааччыларга, бириис туруорбут Дьабыыл нэһилиэгин олохтоохторугар, оскуолатын выпускниктарыгар, тэрилтэлэргэ махталларын тиэртилэр.
Мэҥэ Хаҥалас улууһун дьаһалтатын пресс-сулууспата
743
Рекламный баннер 728x90px main2