Муус устар 1 күнүгэр Араҥас нэһилиэгэр
буулдьанан ытыыга Саха Өрөспүүбүлүкэтин спордун маастара, Саха АССР норуоттарын кыһыҥҥы алтыс Спартакиадатын уонна 1974 сыллааҕы "Урожай" уопсастыба биатлоҥҥа чөмпүйүөнэ Гаврил Васильевич Цыпандин бирииһигэр биатлоҥҥа аһаҕас күрэхтэһии быйыл үһүс төгүлүн тэрилиннэ.
Манна Төҥүлү, Хаптаҕай, Томтор, Хорообут, Араҥас, Мэҥэ, Тараҕай, Холгума, Нөөрүктээйи, Алтан, Доллу, 1-кы Наахара нэһилиэктэриттэн, Майа тыа сирин түөлбэтиттэн, Аллараа Бэстээх куорат түөлбэтиттэн, Алдан куораттан уопсайа 35 спортсмен кэлэн кыттыыны ыллылар.
Биирдиилээн бастыыр иһин саастарынан күрэххэ
14-17 саастаахтарга кыргыттарга Валерия Кривогорницына 2007 с.т. Алдан,
уолаттарга Николай Нестеров 2008 с.т. Бырама;
18-39 саастаахтарга дьахталларга Мира Павлова 2002 с.т. Хаптаҕай,
эр дьоҥҥо Николай Зыков 2000 с.т. Өлөчөй;
40-55 саастаахтарга дьахталларга Оксана Сергеева 1971 с.т. Томтор,
эр дьоҥҥо Яков Попов 1973 с.т. Төҥүлү;
55 үөһээ саастаах бэтэрээн дьахталларга Клара Винокурова 1960 с.т. Аллараа Бэстээх,
эр дьоҥҥо Николай Яковлев 1959 с.т. Томтор
кыайыылаахтарынан ааттаннылар.
Ону таһынан,
"Лучший стрелок" анал аат Тимур Баишевка (Төҥүлү),
"Лучшая биатлонистка" анал аат Валерия Кривогорницынаҕа (Алдан) туттарылыннылар.
Күрэхтэһии кыраҕы харахтааҕы, сымса атахтааҕы, бастыҥтан бастыҥнары быһаарда.
Биатлон көрүҥүн сайыннарар, тарҕатар, нэһилиэнньэни спордунан дьарыктанарга көҕүлүүр, спортсменнар маастарыстыбаларын үрдэтэр сыаллаах-соруктаах ыытыллар тэрээһиммит бу курдук спорду таптааччылары түмэ, кэҥии, сайда турдун.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0