Муус устар 11 күнүгэр, Мөҥүрүөн нэһилиэгэр аҕам саастаах уонна доруобуйаларынан хааччахтаах дьон дьиэлэрин бастакы көмүс сыбаайата үөрүүлээх быһыыга-майгыга түстэ. Бу 51 куойка миэстэлээх интэрнээт-дьиэ дойду президенэ В.Путин олохтообут "Демография" национальнай бырайыагынан, Ил Дархан А.Николаев, Саха Өрөспүүбүлүкэтин Үлэҕэ уонна социальнай сайдыыга министиэристибэтэ быһаччы өйөбүллэринэн олоххо киллэриллэр.
Бүгүнҥү бэлиэ күнүнэн үлэ уонна социальнай сайдыы миниистирэ Елена Волкова, улууспут баһылыга Дмитрий Тихонов, Ил Түмэн дьокутаата Андрей Находкин, олохтоох баһылык Иннокентий Андросов эҕэрдэлээтилэр.
Биир дойдулаахпыт Василий Пинигин салайааччылаах "Электромонтаж" ХЭТ тутуу үлэтин ылсан саҕалаата. Былаан быһыытынан 2025 сылга үлэ туттарыллара күүтүллэр. Биллэн турар, бу эбийиэк олоххо киирэн, улууспут социальнай сайдыытын кэрэһилиир биир сүрүн тутуунан буолара саарбахтаммат.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0