2023 сыл балаҕан ыйын 5 күнүнээҕи улуус баһылыгын 91-П нүөмэрдээх уурааҕынан олохтоммут

2023 сыл балаҕан ыйын 5 күнүнээҕи улуус баһылыгын 91-П нүөмэрдээх уурааҕынан олохтоммут

«Чөл олох чорооно» чөл олоҕу көҕүлээһиҥҥэ анаммыт бырайыактарга үбүлээһини көрүү куонкуруһун хамыыһыйата ыытылынна.

Граны ылыы куонкуруһугар уопсайа аҕыс нэһилиэктэн 12 бырайыак киирдэ.

Ол курдук,

Майа сэлиэнньэтиттэн

улуустааҕы киин балыыһа психиатр-нарколог бырааһа Александра Мохначевская «Сырдык кэскил»,

Оҕолорго уонна эдэр ыччат спортивнай оскуолатын оҕунан ытыы тренерэ Прокопий Васильев «Спорт ВСЕМ!»,

«Кэскил» киин дириэктэрэ Матрена Птицына «Wednesday»,

Дьиэ кэргэн киинин салайааччыта Владлена Павлова «Бэйэни өрө тардыныы»,

Хара нэһилиэгиттэн

И.Г. Игнатьев аатынан Хара спортивнай оскуолатын химия учуутала Мария Сидорова «Амарах сүрэх – оскуола волонтер-медиктарын этэрээтэ»,

Холгума нэһилиэгиттэн

Ыччат бэлиитикэтин уонна спорт исписэлииһэ Роберт Гаврильев «Үчүгэйиэн доруобай буолар»,

Аллараа Бэстээхтэн

Транспортнай техникум дириэктэрин үөрэх таһынан үлэҕэ солбуйааччы, улуустааҕы футбол федерациятын чилиэнэ Дьулустаан Аргунов «Кубок патриотов – мини футболга улуустааҕы турнир»,

Дьаҥхаады нэһилиэгиттэн

Любовь Романова «Здоровое тело – чистый разум»,

Бастакы Баатара нэһилиэгиттэн

баһылык Петр Андросов «Мэҥэ Хаҥалас улууһуттан СССР бастакы спорт маастара Егор Санников бирииһигэр уолаттарга тустууга аһаҕас өрөспүүбүлүкэтээҕи турнир»,

Мэҥэ Хаҥалас улууһун волейболга старшай тренерэ Айаал Аргунов «Э.И. Яковлев аатынан тиһигэ быстыбат улуустааҕы волейбол лигата»,

Иккис Наахара нэһилиэгиттэн

сүрүн библиотекарь Ирина Никанорова «Доруобуйа десана»,

Араҥас нэһилиэгиттэн

Ыччат бэлиитикэтин уонна спорт исписэлииһэ Виринея Арьянова «Уолан Боотур»

бырайыактарынан кыттыыны ыллылар.

Хамыыһыйа чилиэннэринэн улуус баһылыгын социальнай уонна имиджевэй бэлиитикэҕэ солбуйааччы Альбина Григорьева,

улуустааҕы социальнай бэлиитикэ салалтатын исписэлииһэ Светлана Маркова,

«Чөл олохтоох улуус» уопсастыбаннай тэрилтэ бэрэссэдээтэлэ Татьяна Артемьева, бэрэссэдээтэли солбуйааччы Анна Сергучева,

Ис дьыала министиэристибэтин Мэҥэ Хаҥаластааҕы отделын ОУУП уонна ПДН начаалынньыга, полиция старшай лейтенана Вячеслав Дмитриев,

улуус экэнэмиическэй сайдыыга салалтатын начаалынньыга Екатерина Павлова,

улуус дьаһалтатын инвестицияны киллэрэргэ үлэлиир салаа начаалынньыга Марина Семенова үлэлээтилэр.

Түмүккэ түөрт бырайыак үбүлээһини ылары ситистилэр:

✅ Бастакы Баатара нэһилиэгин баһылыга Петр Андросов Мэҥэ Хаҥалас улууһуттан СССР бастакы спорт маастара Егор Санников бирииһигэр уолаттарга тустууга аһаҕас өрөспүүбүлүкэтээҕи турниры тэрийии бырайыага 250 000 солкуобай суумалаах,

✅ Майа сэлиэнньэтиттэн «Кэскил» киин дириэктэрэ Матрена Птицына «Wednesday» 200 000 солкуобай суумалаах,

✅ Иккис Наахара нэһилиэгиттэн сүрүн библиотекарь Ирина Никанорова «Доруобуйа десана» 150 000 солкуобай суумалаах,

✅ Майа сэлиэнньэтин Дьиэ кэргэн киинин салайааччыта Владлена Павлова «Бэйэни өрө тардыныы» 100 000 солкуобай суумалаах граны ыллылар.

Кыайыылаахтарга нэһилиэнньэ чөл олоҕу, спорду өрө тутарын көҕүлүүр бырайыактаргыт олоххо киирэн үрдүк көрдөрүүнү аҕаларын баҕарабыт!

Мэҥэ Хаҥалас улууһун дьаһалтатын пресс-сулууспата