"Кыайыы маһа " бырайыак

Кыайыы күнэ... Өрөгөйдөөх Кыайыы күнэ!!! Кыайыы өрөгөйдөөх күнүн Сахаттан бастакы Сэбиэскэй Сойуус Дьоруойа Фёдор Кузьмич Попов дьоно- сэргэтэ, Баатара орто оскуолатын, нэһилиэк түмэлин кэллэктиибэ кэрэ бэлиэ кэһиилээх , кэккэ ситиһиилээх көрүстэ. Олортон биирдэстэрэ "Кыайыы маһа" бырайыак, олоҥхо Аал Луук маһыгар кубулуйан, күөх лабаа көмүс сэбирдэҕинэн сипсийэн, ол ааспыт тыйыс,алдьархайдаах кэми санатта билиҥҥи, кэлэр кэми кытта ситимнээн кэнчээрилээтэ, үүннэ- силигилээтэ.

"Кыайыы маһа" бырайыакка Сахаттан бастакы Сэбиэскэй Сойуус Дьоруойа Ф.К.Попов аатынан Баатара орто оскуолатын үөрэнээччилэрэ, учууталлара , төрөппүттэрэ, нэһилиэк түмэлэ көхтөөхтүк кытыннылар. Бу бырайыак ахсынньы ыйын 9 күнүттэн саҕаланан Кыайыы күнүгэр 2025 сылга түмүктэннэ.

"Кыайыы маһа" бырайыакпыт сүрүн сыала - Фашистскай Германияны Кыайыы дойдубут элбэх омуктаах норуотун сөҕүмэр сомоҕолоһуутун, сүҥкэн дьулуурун уонна хорсун быһыытын үйэлэргэ кэрэһилээри, кырыктаах кыргыһыы хонуутугар биһиги эһэлэрбит,аҕаларбыт, убайдарбыт өстөөҕү самнаран, тыылга син биир сэриигэ курдук кыайыыны уһансыбыт биир дойдулаахтарбытын Кыайыы маhа лабаатыгар сэбирдэхтэринэн көмүс ааттарын үйэтитии, үйэлэргэ хаалларыы.

Баатараттан уопсайа 171 буойун уолаттарбыт Ийэ дойду көмүскэлигэр аттаммыттара. Кинилэр ааттара- суоллара бу сэбирдэхтэргэ суруллан, Qr-кодтанан тиhилиннилэр. Ону тэнэ "Кыайыы маhа "сайт оноhуллан, буойуннар олорон ааспыт олохторо сырдаттылынна. Үйэ саас тухары үүнэ- силигилии туруохтун Кыайыы маһа!

Ким да умнуллубат, туох да умнуллубат. Бырайыак ааптардарыгар, кыттыылаахтарыгар, Баатара орто оскуолатын учууталларыгар, дириэктэригэр Геннадий Алексеевич Макаровка, нэһилиэк түмэлин сэбиэдиссэйигэр Альбина Егоровна Ходуловаҕа, кыраайы үөрэтээччилэргэ олохтоохтор истиҥник махтаннылар, айымньылаах бырайыактар айылла, үксүү турдуннар. .

Мария Санникова ( Баишева)