Мэҥэ Хаҥалас улууһугар муниципальнай тус сыаллаах программаны олоххо киллэрии чэрчитинэн, урбаан эйгэтин сайыннарыыга анаммыт субсидия быһыытынан көрүллэр көмө харчыны...

Мэҥэ Хаҥалас улууһугар муниципальнай тус сыаллаах программаны олоххо киллэрии чэрчитинэн, урбаан эйгэтин сайыннарыыга анаммыт субсидия быһыытынан көрүллэр көмө харчыны былырыын 2024 сыллаахха Тумул нэһилиэгин олохтооҕо Константин Холмогоров туһанан, сварочнай остуол ылыммыт.

Бэйэ дьарыктаах уол Константин кэпсииринэн, маннык остуолга тимир оҥоһуктары сыбааркалаан таҥан таһаарарга быдан судургу. Холобура, сварочнай остуолга шаблон оҥорон, хас эмэ тимир оҥоһугу биир кээмэйинэн, тэбис тэҥ гына оҥорон таһаарыахха сөп.
Кини сүрүннээн билиҥҥи кэм ирдэбилинэн, аныгылыы Лофт мебеллэр каркастарын оҥорон таһаарар. Ону таһынан мангаллары оҥорор, чараас тимирдэри эмиэ сыбааркалыыр.

Өскөтүн эһиги Лофт мебель каркаһын, онтон да атын тимир оҥоһуктары оҥотторуоххутун баҕардаххытына Константины кытта сибээстэһиэххитин сөп. Төл: 8914 285 71 85 Холмогоров Константин Викторович